پىتنە- ئىغۋانىڭ مەزمۇنى: قان شېكىرىنى ئۆلچەش ئۈچۈن قان ئالغاندا چوقۇم ئالاھىدە بېكىتىلگەن بارماقتىن، ئەڭ ياخشىسى نامسىز بارماقتىن قان ئېلىش كېرەك، بولمىسا ئۆلچەش قىممىتىدە ناھايىتى چوڭ خاتالىق پەرقى كۆرۈلۈپ، قان شېكىرىنى ئۆلچەشكە تەسىر يېتىدۇ.

ھەقىقىي ئەھۋالنى چۈشەندۈرۈش: نۆۋەتتە مۇتەخەسسىسلەرنىڭ بۇ مەسىلىگە بولغان ئومۇميۈزلۈك ئورتاق تونۇشى شۇكى، ئون بارماقتىن قان ئېلىپ ئۆلچەنگەن قان شېكىرى قىممىتىدە پەرق يوق. بىراق، گەرچە سانلىق قىممەتتە پەرق بولمىسىمۇ، ئەمما كىلىنىكا دوختۇرلىرى يەنىلا ئاغرىقلارغا ئامال بار نامسىز بارماق، ئوتتۇرا بارماق ۋە چىمچىلاقتىن قان ئېلىشنى تەۋسىيە قىلىدۇ. بۇنىڭ سەۋەبى شۇكى، بۇ بارماقلارنىڭ ھەرىكىتى ئادەتتە بىر قەدەر ئاز، يۇقۇملىنىش نىسبىتى تۆۋەن، ئاغرىش تۇيغۇسى يېنىك بولۇپ، كۈندىلىك تۇرمۇشقا ئاسانلىقچە تەسىر كۆرسەتمەيدۇ. ئۇنىڭدىن باشقا، قان شېكىرىنى ئۆلچەشتە چوقۇم قان شېكىرىنى ئۆلچەش ئەسۋابىنىڭ مەشغۇلات چۈشەندۈرۈشىگە قاتتىق ئەمەل قىلىش كېرەك، بۇ، توغرا نەتىجىگە ئېرىشىشنىڭ ئالدىنقى شەرتى. توقۇلما ئارىلىق سۇيۇقلۇقىنىڭ قان ئەۋرىشكىسىگە ئارىلىشىپ قېلىپ نەتىجىگە تەسىر يەتكۈزۈشىدىن ساقلىنىش ئۈچۈن، قان ئېلىش ئورنىنى ھەرگىز كۈچەپ سىقماسلىق، زەخىملەنگەن، يۇقۇملانغان، تاتۇق قالغان ياكى ئەسۋە چىققان بارماقلاردىن قان ئالماسلىق، قان ئالغاندا چوقۇم بارماقنىڭ قۇرغاق بولۇشىغا كاپالەتلىك قىلىش كېرەك، بولمىسا نەتىجىسى توغرا بولمايدۇ.

پايدىلانغان مەنبە: «ئۆگىنىش كۈچلۈك دۆلىتى» ئۆگىنىش سۇپىسى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)