ئانار بۇلۇت \ شىنجاڭ گېزىتى مۇخبىرى يۈ جياڭيەن

ياستۇق چوڭلۇقىدىكى پارچە- پارچە ئاق رەڭدىكى چاسا شەكىللىك ئېرىتىپ پولىمېرلانغان بۇتادىئېنلىق كاۋچۇك (SSBR) ئىشلەپچىقىرىش لىنىيەسىدىن «ئېقىپ» چىقىپ، تېز سۈرئەتتە ئوراپ خالتىغا قاچىلىنىپ، ئىسكىلاتقا ئېلىپ كېلىنىپ دۆۋىلەندى، ئاندىن ئاپتوموبىلغا قاچىلىنىپ جەنۇبقا توشۇلدى. 7- ئاينىڭ 24- كۈنى، جۇڭگو نېفىتى مايتاغ نېفىت خىمىيە شۆبە شىركىتى تەخمىنەن 210 توننا SSBR ئىشلەپچىقاردى.

SSBR دېگەن نېمە؟ بۇ ئاڭلىماققا ناتونۇش مەھسۇلات ئەمەلىيەتتە ھەربىر كىشىنىڭ تۇرمۇشىغا زىچ مۇناسىۋەتلىك. ئەڭ كۆپ ئۇچرايدىغان بالوننىڭ خام ماتېرىيالى دەل SSBR.ئالدىنقى ھەپتە دۇنيا بويىچە ئەڭ چوڭ بالون 14- نۆۋەتلىك جۇڭگو شىنجاڭ خەلقئارا كانچىلىق ۋە جابدۇق كۆرگەزمىسىدە نامايان بولدى، كۆرگەزمە قىلىنغان دۇنيا بويىچە ئەڭ چوڭ 63 دىيۇيم دەرىجىلىك، دىيامېتىرى تۆت مېتىردىن ئاشىدىغان بالونلارنىڭ ئىچىدە مايتاغ نېفىت خىمىيە شىركىتى ئىشلەپچىقارغان SSBR خام ئەشياسى بار.

مايتاغ نېفىت خىمىيە گۇرۇھىنىڭ 2023- يىللىق SSBR ئومۇمىي مەھسۇلات مىقدارى 100 مىڭ توننىدىن ئېشىپ، دۆلەت ئىچى بازىرىنى ئىگىلەش نىسبىتى %45كە يېتىپ، دۆلەت ئىچىدىكى بىردىنبىر ئۇدا مۇقىم ھالدا قوش ئۇچلۇق SSBR مەھسۇلاتلىرىنى ئىشلەپچىقىرالايدىغان، شۇنداقلا SSBR ئىشلەپچىقىرىش ئىقتىدارى ئەڭ چوڭ، مەھسۇلاتى ئەڭ تولۇق كارخانىغا ئايلاندى.

نەتىجىنىڭ ئارقىسىدا، تەتقىق قىلىپ ئېچىش كوللېكتىپىنىڭ «ئون يىلدا بىر شەمشەر تاۋلاپ چىقىش»تەك جاپالىق ئەجرى بار.

2009- يىلى مايتاغ نېفىت خىمىيە شىركىتى پولىمېرلانغان بۇتادىئېنلىق كاۋچۇك قۇرۇلمىسىنى ئىشلەپچىقىرىشقا كىرىشتۈردى، بۇ، دۆلىتىمىز كىرگۈزگەن تۇنجى يۈرۈش پولىمېرلانغان بۇتادىئېنلىق كاۋچۇك قۇرۇلمىسى. چەت ئەللىك سودىگەرلەرنىڭ تېخنىكا چىقىرىش جەريانىدىكى قامال قىلىشى سەۋەبلىك، ئۇلار ئىشلەپچىقارغان SSBR مەھسۇلاتلىرىنىڭ بازاردا ئېتىراپ قىلىنىش دەرىجىسى تۆۋەن بولۇپ، سېتىش يوللىرىنى ئۈنۈملۈك ئاچقىلى بولمىغانىدى.

مايتاغ نېفىت خىمىيە شىركىتى بازار ئېھتىياجىغا ئاساسەن، جۇڭگو نېفىت- تەبىئىي گاز گۇرۇھىنىڭ مۇھىت قوغداش تىپىدىكى كاۋچۇك مېيى بايلىقىدىن پايدىلىنىپ، ئەسلىدىكى ھۈنەر- سەنئەت تېخنىكىسىدا بۆسۈش ھاسىل قىلىپ، سىكلوئالكان مۇھىت قوغداش تىپىدىكى ماي قاچىلانغان SSBR يۈرۈشلۈك مەھسۇلاتلىرىنى ئېچىپ، ئىشلەپچىقىرىپ، ياۋروپا ئىتتىپاقىنىڭ ئالاقىدار قانۇن- نىزاملىرىنىڭ مۇھىت ئاسراش تەلىپىگە يەتكۈزدى. بۇنىڭ ئىچىدە ئۈچ سىكلوئالكان مۇھىت قوغداش تىپىدىكى ماي قاچىلانغان SSBR مەھسۇلاتى دۆلەت ئىچىدىكى بالون ياساش ساھەسىدە كۆلەملەشتۈرۈپ ئىشلىتىلىپ، بالون ئىشلىتىشتە SSBR پۈتۈنلەي ئىمپورت قىلىشقا تايىنىشتەك ۋەزىيەت بۇزۇپ تاشلاندى.

ھەر قېتىملىق يېڭى مەھسۇلات ئېچىشتا نەچچە يۈز قېتىم تەجرىبە قىلىشقا توغرا كېلىدۇ، كوللېكتىپنىڭ سەۋرچانلىقىنى ئەڭ سىنايدىغىنى، بىر قاتار زېرىكىشلىك سانلىق مەلۇماتلارنىڭ ھەممىسىنى چوقۇم توغرا خاتىرىلەش كېرەك. SSBR72612F فۇنكسىيەلەشتۈرۈپ رېئاكتىپ نىسبىتىنى بېكىتىش سىنىقىنى مىسالغا ئالساق، كوللېكتىپتىكى ئەزالارنىڭ ھەممىسى توپتوغرا ئۈچ ئاي تەجرىبىخانىدا تۇرۇپ، سانسىز قېتىم تەتۈر بوشلۇق سىستېمىسىدا قايتا كېلىش ئارقىلىق، سانلىق مەلۇمات ۋە تەجرىبە نەتىجىسىنى ئانالىز قىلىش، خاتىرىلەش ئارقىلىق بىرىكمە يېلىم كۆرسەتكۈچىگە تەسىر كۆرسىتىدىغان ئاچقۇچلۇق ئامىللارنى بېكىتتى.

«بۇنىڭغا ئوخشاش تەجرىبىنى كوللېكتىپتىكى ھەربىر ئەزا ھەر يىلى ئاز دېگەندە 350 قېتىمدىن ئارتۇق قىلىدۇ، شۇڭا كېچىلەپ ئىشلەپ نۇرغۇن كىشىنىڭ كۆز ئەتراپى قارىداپ كەتتى» دېدى مايتاغ نېفىت خىمىيە شىركىتى تەتقىقات يۇرتىنىڭ نېفىت خىمىيە سانائىتى بىرىنچى دەرىجىلىك ئىنژېنېرى يەن رۇڭ.

يېقىنقى بىرنەچچە يىلدا، ئىككىلەمچى خېرىدارلارنىڭ ئېھتىياجى ۋە دۆلەت ئىچى- سىرتىدىكى تەتقىق قىلىپ ئېچىش قىزىق نۇقتىسىغا بىرلەشتۈرۈپ، بۇ شىركەت يەنە ئىلگىرى- كېيىن بولۇپ فۇنكسىيەلەشتۈرۈشكە، قىشلىق بالونغا، گاۋ مېننىغا، تۆۋەن ۋىنىل رادىكالىغا، ئالىي دەرىجىلىك ئاياغقا ئىشلىتىش قاتارلىق يۈرۈشلۈك SSBR مەھسۇلاتلىرىنى تەتقىق قىلىپ چىقىپ، دۆلەت ئىچىدىكى بالون كارخانىلىرىنىڭ كەسىپ دەرىجىسىنى ئۆستۈرۈش ھەم دۆلىتىمىزدە ئىشلەنگەن بالون سۈپىتىنى ئۆستۈرۈشكە تىرەك بولدى.

مايتاغ نېفىت خىمىيە شىركىتى كاۋچۇك بۆلۈمىنىڭ مۇئاۋىن دىرېكتورى، باش ئىنژېنېر ياڭ چاڭخۇي مۇنداق بىلدۈردى: شىركىتىمىز ئاچقان SSBR جۇڭگو يېشىل بالون كەسىپ زەنجىرىنى جانلاندۇرۇپ، دۆلىتىمىزنىڭ كاۋچۇك سانائىتىنىڭ چوڭ دۆلەتتىن كۈچلۈك دۆلەتكە ئايلىنىشى، بالون مەھسۇلاتلىرىنىڭ ئوتتۇرا، تۆۋەن سەۋىيەدىن يۇقىرى سەۋىيەگە يېتىشىنى پۇختا ماتېرىيال ئاساسى بىلەن تەمىنلەپ، دۆلىتىمىزدە ئىشلەنگەن بالونلارنىڭ خەلقئارا رىقابەتتە «ئەگىم يولدا يانداپ ئۆتۈشى»گە كۈچ قوشتى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)