بېيجىڭ ۋاقتى 7- ئاينىڭ 31- كۈنى سائەت 00دىن 24 مىنۇت ئۆتكەندە، شىنجاڭلىق قىز ئەن چىشۈەن پارىژ ئولىمپىك تەنھەرىكەت مۇسابىقىسىنىڭ ئوقيا ئېتىش ئاياللار يەككە مۇسابىقىسىنىڭ 1/32 شاللاش مۇسابىقىسىدە، ئەزەربەيجان ماھىرى يايلاگۈل رامازانوۋا بىلەن مۇسابىقىلەشتى، پۈتۈن مەيدان مۇسابىقىدە ئىككى تەرەپ بىر- بىرىدىن قېلىشمىدى، ئاخىرىدا ئەن چىشۈەن ئالتىگە قارشى بەش نەتىجە بىلەن رەقىبىگە تەڭ كېلەلمەي، كېيىنكى باسقۇچلۇق مۇسابىقىگە كىرەلمىدى.

　بىرىنچى مەيداندا ئەن چىشۈەن ئۈچ قېتىم توققۇز نومۇرلۇق ھالقىغا تەگكۈزدى، رەقىبى ئاران 22 ھالقىغا ئېرىشتى؛ ئىككىنچى مەيداندا ئەن چىشۈەن 25 ھالقىغا، رەقىبى 27 ھالقىغا ئېرىشىپ، ئىككىيلەن ئىككىدە ئىككى بولۇپ تەڭلىشىپ قالدى.

　ئۈچىنچى مەيداندا، ئەن چىشۈەن 26گە قارشى 27 نەتىجە بىلەن يەنە يەڭدى؛ تۆتىنچى مەيداندا، ئەن چىشۈەن 28گە قارشى 27 نەتىجە بىلەن ئۇتتۇرۇپ قويدى، ئىككى تەرەپ 4: 4 بولۇپ قالدى؛ بەشىنچى مەيداندا، ئىككى تەرەپ 26 ھالقا بىلەن تەڭلىشىپ قالغاچقا، مۇسابىقە قوشۇپ بېرىلدى.

　بىر ئوقيا بىلەن يېڭىش- يېڭىلىش بەلگىلىنىپ، ئەن چىشۈەن 9 ھالقىغا، رەقىبى 10 ھالقىغا تەگكۈزۈپ، ئەن چىشۈەن رەقىبىگە ئۇتتۇرۇپ قويدى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)