ئانار بۇلۇت \ شىنجاڭ گېزىتى خەۋىرى (مۇخبىر جاۋ يۆ) 8- ئاينىڭ 31- كۈنى، دۆلەت ئىچىدىكى تېببىي دورا ساھەسىدىكى كىلىنىكىلىق پەن تەتقىقات 100 مۇتەخەسسىس ئۈرۈمچىگە يىغىلىپ، شىنجاڭنىڭ جۇڭيى تېبابىتى دورىگەرلىكى، مىللىي تېبابەت دورىگەرلىكى 1.1 تۈردىكى ئىجادىي دورىسى نەزلە جەۋھىرىنىڭ Ⅲ باسقۇچلۇق كىلىنىكىلىق تەجرىبىسىگە يېتەكچىلىك قىلدى.

　نەزلە جەۋھىرىنىڭ Ⅲ باسقۇچلۇق كىلىنىكىلىق تەجرىبىسى تەتقىقاتىغا قاتناشقان 13 ئورۇن ئىچىدە، سىچۇەن داشۆ خۇاشى دوختۇرخانىسى قاتارلىق دۆلەت ئىچىدىكى نۇرغۇن دوختۇرخانىدىن باشقا، شىنجاڭ تېببىي داشۆسى قارىمىقىدىكى 1- دوختۇرخانا، خوتەن ۋىلايەتلىك ئۇيغۇر تېبابىتى دوختۇرخانىسىمۇ كىلىنىكىلىق تەتقىقاتقا قاتناشتى. بۇ، شىنجاڭدىكى جۇڭيى تېبابىتى دورىگەرلىكى، مىللىي تېبابەت دورىگەرلىكى 1.1 تۈرىدىكى ئىجادىي دورىلىرىنىڭ Ⅲ باسقۇچلۇق كىلىنىكىلىق تەجرىبىسىنىڭ تۇنجى قېتىم شىنجاڭ ئىچىدىكى دوختۇرخانىلارغا ماكانلىشىشى ھېسابلىنىدۇ.

　Ⅲ باسقۇچلۇق كىلىنىكىلىق تەجرىبە بولسا دورا بىلەن داۋالاش رولىنى ھەقىقىي ئىسپاتلاش باسقۇچى بولۇپ، دورىنى ئەنگە ئالدۇرۇش ئىلتىماسىنىڭ تەستىققا ئېرىشىشىدە ئىنتايىن مۇھىم. شۇ كۈنى، دۆلەت ئىچىدىكى كىلىنىكىلىق تەتقىقات نەپەس كېسەللىكلىرى بۆلۈمى مۇتەخەسسىسلىرى، دورىگەرلىك مۇتەخەسسىسلىرى، كىلىنىكىلىق تەجرىبە ئاپپاراتلىرىنىڭ باشقۇرغۇچى خادىملىرى قاتارلىقلار كىلىنىكىلىق تەجرىبە لايىھەسىنىڭ پەرقلەندۈرۈش ئاساسى، قوبۇل قىلىش- چىقىرىش ئۆلچىمى ھەم داۋالاش ئۈنۈم كۆرسەتكۈچى قاتارلىق لايىھەلەرنىڭ ئىنچىكە ھالقىلىرىنى مۇھاكىمە قىلدى. شىنجاڭ ئۇيغۇر تېبابىتى نەپەس كېسەللىكلىرى ساھەسىدىكى مۇتەخەسسىسلەر ئۇيغۇر تېبابىتى جەھەتتە دىيالېكتىكىلىق تەربىيەلىدى. كىلىنىكىلىق داۋالاش لايىھەسى تېخىمۇ ئىلمىي، يۇقىرى ئۈنۈملۈك، دەل جايىدا بولۇش ئۈچۈن، مۇتەخەسسىسلەر جۇڭيى تېبابىتى دورىگەرلىكى، مىللىي تېبابەت دورىگەرلىكى نەزەرىيەسىگە بىرلەشتۈرۈپ، كىلىنىكىلىق تەجرىبە لايىھەسىنى ئەلالاشتۇردى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)