ئانار بۇلۇت \ شىنجاڭ گېزىتى خەۋىرى (مۇخبىر چىن مېيخۇا) 9- ئاينىڭ 2- كۈنى، ئۈرۈمچى يۇقىرى- يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى)نىڭ شىمالىي رايون سانائەت باغچىسىغا جايلاشقان قىممەت مېتاللىق زىننەت بۇيۇملىرىنى پىششىقلاش ئۈلگە بازىسى تۈرىدە رەسمىي ئىش باشلاندى. بۇ، ئوتتۇرا ئاسىيا ئالتۇن، گۆھەر، قاشتېشى كەسپى باغچە رايونىدىن كېيىنكى ئۈرۈمچىدىكى 2- قىممەت مېتاللىق زىننەت بۇيۇملىرىنى پىششىقلاش، سودىلىشىش باغچە رايونى ھېسابلىنىدۇ.

　قىممەت مېتاللىق زىننەت بۇيۇملىرىنى پىششىقلاش ئۈلگە بازىسىنىڭ پىلاندىكى قۇرۇلۇش كۆلىمى 27 مىڭ كىۋادرات مېتىر بولۇپ، 2025- يىلى 10- ئايدا رەسمىي ئىشقا كىرىشتۈرۈلىدۇ، ئۇ ئۆزگىچە ئالتۇن زىننەت بۇيۇملىرىنى لايىھەلەش، تەتقىق قىلىش، ئىشلەپچىقىرىش، پىششىقلاش، تەكشۈرۈش- ئۆلچەش، كۆرگەزمە قىلىش- سودىلىشىش، «قەدىمكى زەرگەرچىلىك»كە ۋارىسلىق قىلىش ۋە تەربىيەلەش، يېتىشتۈرۈش بىر گەۋدىلەشكەن ئۈلگە كۆرسىتىش بازىسى ھېسابلىنىدۇ. بۇ قۇرۇلۇش پۈتكەندىن كېيىن 40تىن ئارتۇق زىبۇ- زىننەت پىششىقلاش كارخانىسى بۇ يەرگە ماكانلىشىپ، 500 ئادەمنىڭ ئىشقا ئورۇنلىشىشىغا تۈرتكە بولىدۇ.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)