ئانار بۇلۇت \ شىنجاڭ گېزىتى مۇخبىرى رېن جياڭ

　كۈزنىڭ مەيىن شامىلى دانلىق زىرائەتلەرنىڭ خۇش پۇرىقىنى تاراتماقتا. ئالتۇن كۈز پەسلىدە، شىنجاڭ تۇپرىقىنىڭ ھەممىلا يېرىدە مول ھوسۇل كۆزگە چېلىقىپ، ھەممە يەردە مول ھوسۇل ھېكايىلىرى بايان قىلىنماقتا.

　شىنجاڭ تۇپرىقىدا تەدرىجىي كەڭ يېيىلغىنى كىشىنى مەستخۇش قىلىدىغان غايەت زور مول ھوسۇل يۆگىمە رەسىمىدۇر. قىپقىزىل لازا، ئانار، سېرىق كۆممەقوناق، شال باشاقلىرى، مول ھوسۇل تۇپراققا سىزغان گۈزەل مەنزىرە، جۇشقۇنلۇققا تولغان ئىللىق رەڭ سىستېمىسى بولۇپ، بىر قاراپلا، جاپالىق ئەمگەكتىن كېيىنكى خۇشاللىقنى ھېس قىلغىلى بولىدۇ.

　ئالتۇن رەڭلىك مول ھوسۇل، تەبىئەتنىڭ سوۋغىسى بولۇپلا قالماي، ئۇنىڭغا جاپالىق ئەجىر ۋە ئۈمىد مۇجەسسەملەنگەن، ئۇ ئەمگەكچان كىشىلەر توقۇغان مول ئارزۇ. بىر ئۈلۈش ئەجىر قىلسا، بىر ئۈلۈش ھوسۇل ئالغىلى بولىدۇ. كۈزدىكى مول نەتىجىلەر، تىرىشىپ ئىشلىگەنلىككە ياڭرىتىلغان ئالقىش، شۇنداقلا گۈزەل تۇرمۇشقا بولغان تەنتەنە. ئىككى قولى ۋە جاپالىق ئەجرى بىلەن تۆت پەسىلنىڭ ئالمىشىشىنى كۈتۈۋالغاندىلا، ۋاقىتقا يۈز كېلەلەيمىز. كۈزنىڭ ئاپتىپىدا، ئەمگەكچان خەلق يەنىلا ئېتىزدا ئۇياقتىن بۇياققا بېرىپ- كېلىپ ئىشلەۋاتىدۇ، ئۇلارنىڭ چېھرىدە بالقىغان خۇشاللىق ۋە رازىمەنلىك، قەلبىنىڭ چوڭقۇر قاتلىمىدىن ئۇرغۇپ چىققان بەختتىن ئىبارەت.

　مول ھوسۇلنىڭ ئىللىق رەڭگى، يېزا- قىشلاقتىكى ئېتىز- دالىلاردا، شۇنداقلا شەھەرنىڭ ھەرقايسى بۇلۇڭ- پۇچقاقلىرىدا مەۋج ئۇرماقتا. مول ھوسۇل ئېتىز باشلىرى بىلەن چىراغ يورۇغان تۈمەنلىگەن ئائىلىنى تۇتاشتۇرۇپ، بىر يىلدىكى ئەڭ تەسىرلىك ھېكايىنى بايان قىلدى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)