شىنخۇا ئاگېنتلىقى، ئۈرۈمچى، 10- ئاينىڭ 13- كۈنى تېلېگراممىسى (مۇخبىر جېڭ مىڭدا، خې شياۋفەن) پارس تىلى نۇسخىسىدىكى «يېڭى دەۋر ئادىمىيەت ئىقتىسادشۇناسلىقى» ئاقىللار ئامبىرى دوكلاتى 10- ئاينىڭ 13- كۈنى ئۈرۈمچىدە ئېلان قىلىندى.

شۇ كۈنى ئېلان قىلىش مۇراسىمىدا، ئىران مېھىر تاراتقۇ گۇرۇھىنىڭ باش دىرېكتورى مۇھەممەد مەھدى رەھمەت شىنخۇا ئاگېنتلىقىنىڭ باشلىقى فۇ خۇاغا پارس تىلى نۇسخىسىدىكى ئاقىللار ئامبىرى دوكلاتىنى سوۋغا قىلدى.

　«يېڭى دەۋر ئادىمىيەت ئىقتىسادشۇناسلىقى» ئاقىللار ئامبىرى دوكلاتىنى شىنخۇا ئاگېنتلىقى دۆلەت يۇقىرى دەرىجىلىك ئاقىللار ئامبىرى تېما گۇرۇپپىسى يازغان. دوكلات دۇنياغا يېڭى دەۋر، يېڭى مۇساپىدە جۇڭگو ئەمەلىيەتتە كۆرسىتىۋاتقان بىر خىل تەرەققىيات يېڭى ئەندىزىسىنى، يەنى زامانىۋىلاشتۇرۇش يولىدا ئادىمىيەت ئاساسىنى پۇختىلاپ، ئادىمىيەت بىلەن ئىقتىسادنىڭ ياخشى ھەمتۈرتكە بولۇشى داۋامىدا يۇقىرى سۈپەتلىك تەرەققىياتقا قەدەم قويغانلىقىنى نامايان قىلدى. بۇ تەرەققىيات يېڭى ئەندىزىسى شى جىنپىڭ ئىقتىساد ئىدىيەسى ۋە شى جىنپىڭ مەدەنىيەت ئىدىيەسىنىڭ ئەمەلىيەتكە تەتبىقلىنىشى، جۇڭگوچە زامانىۋىلاشتۇرۇشنى تونۇشنىڭ ئاچقۇچى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)