كېچىچە ئۇخلىمايدىغانلاردا 2- كۈنى بېشى قېيىش، چىڭقىلىش قاتارلىق ئالامەتلەر كۆرۈلىدۇ. بۇنداق ئەھۋالدا ياغاچ تارغاق بىلەن چاچنى كۆپرەك تاراپ بېرىش ياكى بارماقلىرى بىلەن باش تېرىسىنى ئۇۋۇلاپ بېرىش كېرەك، باش قىسمىنى ئۇۋۇلاپ بەرگەندە قان ئايلىنىشنى راۋانلاشتۇرۇپ، مېڭىنىڭ قان بىلەن تەمىنلىنىشىنى كۈچەيتىپ، بىئاراملىقنى پەسەيتكىلى بولىدۇ.

ئۇنىڭدىن باشقا، قۇۋۋەت ۋە قان تولۇقلايدىغان يېمەكلىكلەرنى، مەسىلەن، پىستىگۈل، ئۈجمە، ئالقات قاتارلىقلارنى كۆپرەك يەپ بېرىش كېرەك. تال ۋە ئاشقازىنى ياخشى ئەمەس كىشىلەرنىڭ يېمەكلىكنى قوبۇل قىلىشى تۆۋەن بولىدۇ، بۇنداق ئەھۋالدا ئالدى بىلەن تال ۋە ئاشقازاننى تەڭشەپ، تالنى ساغلاملاشتۇرۇپ قۇۋۋەتنى ئاشۇرىدىغان يېمەكلىكلەردىن  پىچەكگۈل، سۆك، مارجان قوناق دېنى يەپ بەرسە بولىدۇ؛ تەركىبىدە ۋىتامىن A مول بولغان يېمەكلىكلەرنى كۆپرەك يەپ بەرگەندە، كۆزنىڭ چارچىشىنى يېنىكلەتكىلى بولىدۇ. جۇڭيى تېبابىتىدە كېچە سائەت 23تىن ئەتىسى سائەت 1گىچە بولغان مەزگىل ئەڭ مۇھىم ئۇخلاش مەزگىلى دەپ قارىلىدۇ، شۇڭا ئەڭ ياخشىسى كەچ سائەت 23تىن بۇرۇن ئۇخلاش، كېچىچە ئۇخلىماسلىقتىن ساقلىنىش تەۋسىيە قىلىنىدۇ.