10- ئاينىڭ 14-كۈنى، بىڭتۇەن 1- شى 8- تۇەندىكى ئىشچى- خىزمەتچىلەر شال ئورۇماقتا. بۇ يىل 1-شى كەسىپلەشكەن، كۆلەملەشكەن، ئەقلىي ئىقتىدارلاشقان، يېشىللاشقان زامانىۋى يېزا ئىگىلىك ئۆلچىمى بويىچە تېرىغان 178 مىڭ مو يەردىكى شال نۆۋەتتە ئومۇميۈزلۈك پىشىپ، پۈتۈن جەرياندا ماشىنا بىلەن ئورۇلغان بولۇپ، ئەمەلىي ئۆلچەنگەن مو بېشى ھوسۇلى 700 كىلوگىرامدىن ئاشتى، ئىشلەپچىقىرىلغان «تىيانشان شۆمى» ئىلگىرى ئۇدا ئون يىل «شىنجاڭنىڭ داڭلىق ماركىلىق مەھسۇلاتى» بولدى، مەھسۇلاتى شاڭخەي، جېجياڭ، شەندۇڭ قاتارلىق شىنجاڭ ئىچى-سىرتىدىكى بازارلاردا بازار تاپتى. سۈن گوچۇەن فوتوسى