ئۇزاق ۋاقىت يۇقىرى سىجىللىقتا ھەرىكەت قىلغاندا كۆپ تەرلەشنى كەلتۈرۈپ چىقىرىدۇ، ۋاقتىدا سۇ تولۇقلىمىغاندا، بەدەن سۇسىزلىنىدۇ، شۇنىڭ بىلەن بىللە ئېلېكتىرولىتنىڭ خورىشىنى كەلتۈرۈپ چىقىرىدۇ، بولۇپمۇ ياز كۈنلىرى ياكى نەم، دىمىق ھاۋادا ئۇزۇنغا يۈگۈرسە بۇنداق ھالەتنى كۈچەيتىۋېتىدۇ. ئېغىر دەرىجىدە سۇسىزلىنىش بۆرەككە قان يېتىشمەسلىكنى كەلتۈرۈپ چىقىرىپ، بۆرەك ئىقتىدارىغا تەسىر يەتكۈزىدۇ؛ ئېلېكتىرولىت قالايمىقانلىشىش بۆرەك ھۈجەيرىلىرىنى بىۋاسىتە زىيانغا ئۇچرىتىپ، جىددىي خاراكتېرلىك بۆرەك زەخىملىنىشنى كەلتۈرۈپ چىقىرىشى مۇمكىن. ئەگەر ھەرىكەت قىلغاندىن كېيىن كۆڭلى ئېلىشىش، ياندۇرۇش، ئاچچىق سۇ ياندۇرۇش ئەھۋالى كۆرۈلسە، سۈيدۈك مىقدارى تۇيۇقسىز كۆرۈنەرلىك ئازىيىپ، قېنىق رەڭ ياكى قېنىق چاي رەڭدە بولسا، پۇت، ئوشۇق، كۆز قاپىقى قاتارلىقلاردا سۇلۇق ئىششىق كۆرۈلسە، زىيادە ھەرىكەت قىلىشتىن كېلىپ چىققان جىددىي خاراكتېرلىك بۆرەك زەخىملىنىش بولۇشى مۇمكىن. ۋاقتىدا دوختۇرغا كۆرۈنۈش تەكلىپى بېرىمىز. ھەرىكەت مىقدارىنى ئاستا- ئاستا كۆپەيتىش، ھەرىكەت سىجىللىقى، تەكرارلاش دەرىجىسى ۋە ۋاقتىنى تۇيۇقسىز ئاشۇرۇۋېتىشتىن ساقلىنىش كېرەك.