يېقىنقى يىللاردىن بۇيان، قەشقەر ساياھەتچىلىكىنىڭ قىزغىن دولقۇنىغا ئەگىشىپ، كونىشەھەر ناھىيەسىدىكى جۇڭگو شىنجاڭ مىللىي چالغۇ ئەسۋابلار كەنتى توردا ئالقىشلانغان يوقلىمىدىن ئۆتىدىغان جايلارنىڭ بىرىگە ئايلاندى. غەيرىي ماددىي مەدەنىيەت مىراسلىرىنى قوغداش ۋە ئۇنىڭغا ۋارىسلىق قىلىشقا تېخىمۇ ئۈنۈملۈك كۈچ قوشۇش ئۈچۈن، دۆلەت باج باش ئىدارىسى قەشقەر ۋىلايەتلىك باج ئىدارىسى چالغۇ ئەسۋابلار كەنتىنىڭ ئالاھىدىلىكىگە ئاساسەن، «ئىشىك ئالدىغا بېرىپ يېتەكچىلىك قىلىش سوئاللارغا توردا جاۋاب بېرىش» ئۇسۇلىنى قوللىنىپ، قول ھۈنەرۋەنلەرنىڭ باجدا ئېتىبار بېرىش سىياسىتىنى چۈشىنىشىگە، مەشغۇلات تەرتىپىنى ئىگىلىشىگە ياردەم بەردى.