2024- يىللىق شىنجاڭ ئاممىۋى «ئۈچ چوڭ توپ» بىرلەشمە مۇسابىقىسى (جەنۇبىي شىنجاڭ تارماق رايونى) ۋاسكېتبول مۇسابىقىسى 10- ئاينىڭ 22- كۈنى يەنجى ناھىيەسىدە باشلاندى، شىنجاڭ بويىچە يەتتە ۋىلايەت، ئوبلاست، شەھەردىن كەلگەن 10 كوماندا مۇسابىقىگە قاتناشتى.

　بۇ قېتىمقى مۇسابىقىنىڭ تۇنجى مەيدانى تۇرپان ۋەكىللەر كوماندىسى بىلەن خوتەن ۋىلايىتى ۋەكىللەر كوماندىسى، ئاقسۇ ۋىلايىتى ۋەكىللەر كوماندىسى بىلەن قومۇل ۋەكىللەر كوماندىسى ئوتتۇرىسىدا ئېلىپ بېرىلدى. مۇسابىقە باشلىنىشى بىلەنلا، ماھىرلار تېز سۈرئەتتە مۇسابىقە ھالىتىگە كىرىپ، يۇقىرى ماھارەت سەۋىيەسىنى نامايان قىلدى.

　«ئالدى بىلەن بۇ بىر مەيدان مۇسابىقىدە غەلىبە قىلغانلىقىمىزدىن ناھايىتى خۇشال بولدۇم، كېيىنكى مۇسابىقىلەردە غەيرەت ئۈستىگە غەيرەت قوشۇپ، تېخىمۇ ياخشى نەتىجىلەرگە ئېرىشىشنى ئۈمىد قىلىمەن»، دېدى خوتەن ۋىلايىتى ۋەكىللەر كوماندىسىدىن ماۋ خەييۈ. 

　بۇ قېتىمقى مۇسابىقە ئاياغلاشقاندىن كېيىن، جەنۇبىي شىنجاڭ رايونىدىكى ھەرقايسى تۈر گۇرۇپپىلىرىنىڭ ئالدىنقى تۆت كوماندىسى 10- ئاينىڭ ئاخىرىدىكى ھەل قىلغۇچ مۇسابىقىگە قاتنىشىدۇ. بۇ قېتىمقى مۇسابىقىنىڭ ئۆتكۈزۈلۈشى جەنۇبىي شىنجاڭ رايونىنىڭ ۋاسكېتبول مەدەنىيەت ئالاقىسىنى كۈچەيتىش، رايون (شەھەر)دىكى كوماندىلار مۇسابىقىدە ئۆزئارا پىكىر ئالماشتۇرۇپ، ئۆگىنىپ، ئۆزئارا چۈشىنىش ۋە دوستلۇقنى ئىلگىرى سۈرۈش، جەنۇبىي شىنجاڭ رايونىنىڭ ۋاسكېتبول ئىشلىرىنىڭ ئومۇمىي تەرەققىياتىنى ئىلگىرى سۈرۈشتە مۇھىم ئەھمىيەتكە ئىگە .

　«پۈتۈن كۈچىمىز بىلەن تىرىشىپ ، بۇ سەھنىدە ئۆزىمىزنى نامايان قىلىشنى ئۈمىد قىلىمەن، بۇ بىزنىڭ ئەڭ چوڭ شەرىپىمىز»، دېدى قەشقەر ۋىلايىتى ئاياللار كوماندىسىدىن  ياڭ گوشۈ.

　«بىزمۇ مۇشۇنداق مۇسابىقە ئارقىلىق تېخىمۇ كۆپ ئاممىنىڭ <ئۈچ چوڭ توپ> بىرلەشمە مۇسابىقىسىگە قاتنىشىشىنى، بولۇپمۇ مۇسابىقە ئارقىلىق ساياھەتچىلىككە تۈرتكە بولۇپ، ئىقتىسادنى جانلاندۇرۇپ، تەنتەربىيە مۇسابىقىلىرىنىڭ مەھەللىلەرگە، سودا چەمبىرىكىگە، مەنزىرە رايونلىرىغا كىرىشىنى ئىلگىرى سۈرۈشنى ئۈمىد قىلىمىز»، دېدى ئاپتونوم رايونلۇق تەنتەربىيە ئىدارىسى ئاممىۋى تەنتەربىيە باشقارمىسىنىڭ مۇئاۋىن باشلىقى چېن شياۋشيا.

　(بايىنغولىن يۇغۇرما تاراتقۇ مەركىزى ئىختىيارىي مۇخبىرى: ما يۆ، لو جىۋېي)