بۇ پۇلنى قىيىنچىلىققا ئۇچرىغان باشقا كىشىلەرگە بېرىڭ!

　ئانار بۇلۇت \ شىنجاڭ گېزىتى خەۋىرى خوتەن ۋىلايىتىنىڭ گۇما ناھىيەسىدىكى بالدۇر تۇغۇلۇپ قالغان بوۋاق شاۋزات تۇغما يۈرەك كېسىلى سەۋەبىدىن كېلىپ چىققان قىزىتمىسى يانماسلىق قاتارلىق كېسەللىك ئالامەتلىرى ئېغىر بولغانلىقتىن، 10- ئاينىڭ 24- كۈنى كەچتە سىچۇەن داشۆ خۇاشى 2- دوختۇرخانىسى (جىنجياڭ دوختۇرخانا رايونى)غا يېتىپ بېرىپ، داۋالاشنى قوبۇل قىلىشقا باشلىدى.

　2700 كىلومېتىردىن ئارتۇق يولنى بېسىپ، شاۋزاتنى جىددىي قۇتقۇزۇش ئاپتوموبىلىدا ئۈرۈمچىدىن چېڭدۇغا ئېلىپ بېرىش جەريانىنى ئانار بۇلۇت ئابۇنىچىلار تېرمىنالى تولۇق بىۋاسىتە كۆرسەتتى. نۇرغۇن تورداش بىۋاسىتە كۆرسىتىشتە شاۋزاتنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشلىق بىلدۈردى، شاۋزاتقا پۇل ئىئانە قىلدى.

　10- ئاينىڭ 24- كۈنى كەچكىچە، شاۋزاتنى داۋالاشقا كېرەكلىك ئىككى مىليون يۈەن پۇل پۈتۈن مەملىكەتتىكى ئاقكۆڭۈل كىشىلەرنىڭ ئىئانە قىلىشى بىلەن تولۇق يىغىلىپ بولدى، شۇنداق بولسىمۇ، يەنە كۆڭلى ئۇنىمىغان ئاقكۆڭۈل كىشىلەر داۋاملىق ياردەم قولىنى سۇنماقچى بولدى.

　تور نامى «LIOUNA利欧纳» بولغان تورداش 10- ئاينىڭ 25- كۈنى چېڭدۇدا شاۋزاتنىڭ ئاتا- ئانىسى بىلەن كۆرۈشۈپ، 300 مىڭ يۈەن پۇلنى ئۇلارغا بەرمەكچى بولدى، لېكىن، شاۋزاتنىڭ دادىسى شاۋزاتنىڭ كېسىلىنى داۋالىتىشقا كېرەكلىك پۇلنىڭ يېتەرلىك بولغانلىقىنى، ئېھتىياجىدىن ئارتۇق ئىئانىنى قوبۇل قىلمايدىغانلىقىنى ئېيتىپ، بۇ ئىئانىنى چىرايلىقچە رەت قىلدى. ئەڭ ئاخىرىدا «LIOUNA利欧纳» ناملىق تورداش «ئەمالار ئۇۋۇلاش دۇكىنى ئېچىپ قالسىڭىز ئىشلىتىڭ» دەپ 50 مىڭ يۈەننى تەستە شاۋزاتنىڭ دادىسىغا تۇتقۇزدى.

سىن كۆرۈنۈشى مەنبەسى: LIOUNA利欧纳@ دوۋيىن نومۇرى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)