«كۈز پەسلىدىكى خامۇشلۇق» كېسىلىدە ئۇيقۇسى كۆپىيىش، ئىشتىھاسى ئېچىلىش ھەم بەدەن ئېغىرلىقى ئېشىپ كېتىش قاتارلىق ئالامەتلەر بولىدۇ. بۇ كېسەللىك كۆپىنچە تۆۋەندىكى كىشىلەردە كۆپرەك كۆرۈلىدۇ: مىجەز- خاراكتېرى سەزگۈر، گۇمانخور، ئىچ مىجەز، ئىچىدىكىنى ئېيتمايدىغان كىشىلەر؛ خىزمەت بېسىمى ئېغىر خىزمەتچىلەر؛ كىلىماكتېرىيە دەۋرىدىكى ئاياللار، ھامىلىدارلار ياكى ياشانغانلار، بىر قىسىم ئوقۇش يېشىدىكى بالىلار؛ پاسسىپ تۇرمۇشنى باشتىن كەچۈرۈپ، ۋاقتىدا پىسخىكىلىق تەڭشەش قىلمىغان كىشىلەر؛ تېنى ئاجىزراق ھەم ناھايىتى ئاز بەدەن چېنىقتۇرىدىغان ئەقلىي ئەمگەكچىلەر.