چۇڭچىڭ پورت تىپى، قۇرۇقلۇق پورتى تىپى، ئايروپورت تىپى، ئىشلەپچىقىرىش مۇلازىمەت تىپى، سودا مۇلازىمەت تىپىدىن ئىبارەت «بەش تىپ» ئىقتىدارنى تەڭلا ھازىرلىغان دۆلەت ئەشيا ئوبوروت تۈگۈنىگە ئىگە شەھەر، غەربىي قىسىم (چۇڭچىڭ) ئىلىم- پەن شەھەرچىسى شاپىڭبا بۆلەك رايونىغا جايلاشقان چۇڭچىڭ خەلقئارا ئەشيا ئوبوروت تۈگۈنى باغچە رايونى دەل بۇنىڭ ئىچىدىكى قۇرۇقلۇق پورتى تىپىدىكى تۈگۈن.
　چۇڭچىڭ خەلقئارا ئەشيا ئوبوروت تۈگۈنى باغچە رايونى تۇەنجيې كەنتى مەركىزىي ۋوگزالى، غەربىي قىسىم قۇرۇقلۇق- دېڭىز يېڭى يولى چۇڭچىڭ سۇسىز پورتى، چۇڭچىڭ تۆمۈريول پورتى قاتارلىق بۆلەك رايونلارنى ئۆز ئىچىگە ئالىدىغان بولۇپ، جۇڭگو- ياۋروپا نۆۋەتچى پويىزى يولغا چىقىدىغان جاي، غەربىي قىسىم قۇرۇقلۇق- دېڭىز يېڭى يولىنىڭ مەنبەسى، نۆۋەتتە نۆۋەتچى پويىز لىنىيەسىدىن 62سى ئېچىلىپ، يەرشارىدىكى 125 دۆلەت ۋە رايوندىكى 542 پورتقا تۇتاشتۇرۇلۇپ، دۆلىتىمىزنىڭ جەنۇب ۋە غەربكە قاراپ يۇقىرى سەۋىيەلىك سىرتقا ئېچىۋېتىشىدىكى مۇھىم تۈگۈنگە ئايلاندى.
　يېقىنقى يىللاردىن بۇيان، چۇڭچىڭ تۆمۈريول- دېڭىز يولى بىرلەشمە تىرانسپورتىدا «بىر تالون تۈزۈمى»نى نۇقتىدا سىناق قىلىش دائىرىسىنى كېڭەيتىش، تۆمۈريول- دېڭىز يولى بىرلەشمە تىرانسپورتىدا «بىر كود ئارقىلىق توشۇش»نى مۇكەممەللەشتۈرۈش، «قۇرۇقلۇق- دېڭىز زەنجىرى» پۇل مۇئامىلە مۇلازىمەت سەۋىيەسىنى ئۆستۈرۈش قاتارلىق بىر قاتار ئىسلاھات تەدبىرلىرى ئارقىلىق، ئەشيا ئوبوروتى تورىنى بارغانسېرى زىچ توقۇپ، ئىچكى قۇرۇقلۇق ئېچىۋېتىلگەن- ئۇنىۋېرسال تۈگۈنىنى كۈچەپ بەرپا قىلدى.

　شىنخۇا ئاگېنتلىقى مۇخبىرى ۋاڭ چۈەنچاۋ فوتوسى