ئانار بۇلۇت \ شىنجاڭ گېزىتى خەۋىرى (مۇخبىر ۋاڭ يۈ فوتوسى، خەۋىرى) غۇلجا شەھىرى قازانچى خەلق ئۆرپ- ئادىتى ساياھەت رايونىغا كىرسىڭىز، ئۆزىڭىزنى خۇددى بىر قۇرۇلۇش مۇزېيىغا كىرىپ قالغاندەك ھېس قىلىسىز. بۇ يەردە چىڭ سۇلالىسىنىڭ چيەنلۇڭ دەۋرىدىن بۇيانقى 300دىن ئارتۇق قەدىمىي ئىمارەت بار بولۇپ، 20 مىڭدىن ئارتۇق قويۇق مىللەت خاسلىقىغا ئىگە تۇرالغۇ، ھويلا- ئارانلار يۇلتۇزلاردەك تارقالغان، خەنزۇ، ئۇيغۇر، قازاق، تاتار قاتارلىق 13 مىللەت ئۇزاق مەزگىل بۇ يەردە ئولتۇراقلىشىپ كەلگەن.

　يېقىنقى يىللاردىن بۇيان، شۇ جايدىكى ھۆكۈمەتنىڭ «ھۆكۈمەت يېتەكچىلىك قىلىش + ئامما ئۆزى مەبلەغ توپلاش + جەمئىيەت كاپىتالى مەبلەغ سېلىش» سىياسىتىنىڭ يېتەكچىلىكىدە، مىللەتلەر مەدەنىيىتى بىلەن زامانىۋى ئۇسلۇب بىرلەشتۈرۈلگەن بىر تۈركۈم يېڭى مەنزىرە، يېڭى كەسىپ ھالىتى يېتىلدۈرۈلۈپ، پۈتۈن مەملىكەتنىڭ ھەرقايسى جايلىرىدىكى ساياھەتچىلەرنى بەس- بەستە كېلىشكە جەلپ قىلىپ، قازانچى خەلق ئۆرپ- ئادىتى ساياھەت رايونىنىڭ جۇشقۇن ھاياتىي كۈچىنى ئۇرغۇتتى.

　بۈگۈنكى كۈندە، قازانچى خەلق ئۆرپ- ئادىتى ساياھەت رايونىدا 20 مىڭغا يېقىن ئاھالە يېقىن ئەتراپتا ياكى ئائىلىسىدە ئىشقا ئورۇنلىشىپ، ئىگىلىك تىكلەپ، بىۋاسىتە ياكى ۋاسىتىلىك ھالدا ساياھەت مۇلازىمەت كەسپىگە كىرىشتى. قازانچى خەلق ئۆرپ- ئادىتى ساياھەت رايونىنىڭ ئۆزگەرتىلىشى شۇ جايدىكى ئاھالىلەرنىڭ تۇرمۇش سەۋىيەسىنى ئۆستۈرۈپلا قالماي، تېخىمۇ مۇھىمى مىللەتلەر ئىتتىپاقلىقىنىڭ يۇغۇرما تەرەققىياتىنى ئۆرنەك قىلىشقا بولىدىغان «قازانچى ئۈلگىسى» بىلەن تەمىنلىدى.