10- ئاينىڭ 25- كۈنى، شېنجېننىڭ شىنجاڭغا ياردەم بېرىش داۋالاش ئەترىتى مارالبېشى ناھىيەلىك شەھەر- بازار دوختۇرخانىسىغا كېلىپ، «شېنجېن بىلەن قەشقەرنىڭ مېھىرنى چوڭقۇرلاشتۇرۇپ، ساغلاملىق ئارزۇسىنى ئورتاق ئىشقا ئاشۇرۇش» باش تېمىسىدىكى ھەقسىز كېسەل كۆرۈش پائالىيىتىنى قانات يايدۇردى. ھەقسىز كېسەل كۆرۈش نەق مەيدانىدا، شىنجاڭغا ياردەم بېرىش داۋالاش ئەترىتىنىڭ دوختۇرلىرى كېسەل كۆرسەتكىلى كەلگەن ئاممىنىڭ قان بېسىمىنى، قان شېكىرىنى ئۆلچەپ، سالامەتلىك ئەھۋالىنى سەۋرچانلىق بىلەن سوراپ، كەسپىي داۋالاش تەكلىپى بەردى ۋە ساغلاملىق جەھەتتىن يېتەكچىلىك قىلدى، شۇنىڭ بىلەن بىللە، كەڭ ئاممىنى ساغلام بولغان تۇرمۇش رىتىمى ۋە يېمەك- ئىچمەك ئادىتىنى يېتىلدۈرۈشكە يېتەكلىدى. پائالىيەت ئېلىپ بېرىلغان كۈنى ئاممىغا جەمئىي 200 ئادەم قېتىمدىن ئارتۇق ھەقسىز كېسەل كۆرۈش مۇلازىمىتى قىلىپ، قىممىتى 20 مىڭ يۈەندىن ئاشىدىغان دورا ھەم 50 پارچىدىن ئارتۇق ساغلاملىق تەشۋىقات ماتېرىيالى تارقاتتى. (ئىختىيارىي مۇخبىر نۇرئەلا)