11- ئاينىڭ 14- كۈنى، 2026- يىللىق دۇنيا لوڭقىسى پۇتبول مۇسابىقىسى ئالدىن تاللاش مۇسابىقىسى ئاسىيا رايونى 3- باسقۇچلۇق (18 كۈچلۈك مۇسابىقىسى) گۇرۇپپا مۇسابىقىسىنىڭ 5- ئايلانما مۇسابىقىسى باشلىنىدۇ. سائەت 22دە، دۆلەت پۇتبول كوماندىسى بەھرەين رىفا دۆلەتلىك تەنتەربىيە مەيدانىدا بەھرەين كوماندىسى بىلەن مۇسابىقىلىشىدۇ. بۈگۈن سەھەردە، دۆلەت پۇتبول كوماندىسىنىڭ بەھرەين كوماندىسى بىلەن مۇسابىقىلىشىدىغان توپچىلىرىنىڭ تىزىملىكى ئېلان قىلىندى.

　دۆلەت پۇتبول كوماندىسىنىڭ چوڭ تىزىملىكىدە جەمئىي 26 ئادەم بار بولۇپ، شىنجاڭلىق ھۇجۇمچى بەھرام ئابدۇۋەلىمۇ تىزىملىكتە بار.

　21 ياشلىق بەھرامنىڭ بويى 1.88 مېتىر، بەدەن ساپاسى ناھايىتى ياخشى. بۇ يىل 6- ئايدا، 2026- يىللىق دۇنيا لوڭقىسى پۇتبول مۇسابىقىسى ئالدىن تاللاش مۇسابىقىسىنىڭ ئاسىيا رايونىدىكى 36 كۈچلۈك كوماندا مۇسابىقىسىدە، جۇڭگو ئەرلەر پۇتبول كوماندىسى ئۆز مەيدانىدا تايلاند كوماندىسى بىلەن مۇسابىقىلەشتى، بەھرام زاپاس ئەزا سۈپىتىدە مەيدانغا چىقىپ، ئۆزىنىڭ دۆلەت كوماندىسىدىكى تۇنجى مۇسابىقىسىنى ئويناپ، بىر توپ كىرگۈزۈپ، دۆلەت پۇتبول كوماندىسىنىڭ بىرگە قارشى بىر نەتىجە بىلەن تايلاند كوماندىسى بىلەن تەڭلىشىشىگە كۈچ قوشتى.

　بۇ يىل 10- ئايدا، 2026- يىللىق دۇنيا لوڭقىسى پۇتبول مۇسابىقىسى ئالدىن تاللاش مۇسابىقىسىنىڭ ئاسىيا رايونىدىكى 18 كۈچلۈك مۇسابىقىسى C گۇرۇپپىسىنىڭ 4- ئايلانما مۇسابىقىسىدە، جۇڭگو ئەرلەر پۇتبول كوماندىسى ئۆز مەيدانىدا ھىندونېزىيە كوماندىسى بىلەن مۇسابىقىلەشتى. مۇسابىقە 21- مىنۇتقا كەلگەندە، تۇنجى بولۇپ مەيدانغا چىققان بەھرام تۇنجى توپنى كىرگۈزدى. ئاخىرىدا جۇڭگو كوماندىسى 1گە قارشى 2 نەتىجە بىلەن رەقىبىنى يېڭىپ، 18 كۈچلۈك مۇسابىقىسىدىكى تۇنجى غەلىبىنى قولغا كەلتۈردى.

　بۈگۈن كەچتە بەھرامنىڭ ئىپادىسى قانداق بولىدۇ؟ تەقەززالىق بىلەن كۈتمەكتىمىز.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)