تۇخۇم سېرىقىنى يېمەسلىك كېرەك، بولمىسا خولېستېرىننىڭ ئۆرلەپ كېتىشىنى كەلتۈرۈپ چىقىرىدۇ؟

　خاتا چۈشەنچە.

　گەرچە تۇخۇم سېرىقىدا خولېستېرىن بىر قەدەر يۇقىرى بولسىمۇ، لېكىن تەتقىقاتلاردىن مەلۇم بولۇشىچە، يېمەكلىك تەركىبىدىكى خولېستېرىننىڭ كۆپ ساندىكى كىشىلەرنىڭ قان خولېستېرىن سەۋىيەسىگە بولغان تەسىرى ئانچە كۆرۈنەرلىك بولمايدىكەن. ئادەم بەدىنىدىكى خولېستېرىن سەۋىيەسى ھەرگىزمۇ بىرلا خىل يېمەكلىك تەرىپىدىن بەلگىلەنمەيدىكەن، بەلكى ئاساسلىقى جىگەرنىڭ بىرىكىشى ۋە بىر پۈتۈن يېمەك- ئىچمەك قۇرۇلمىسىنىڭ تەسىرىگە ئۇچرايدىكەن. كۆپ قىسىم ساغلام كىشىلەر توپىغا نىسبەتەن ئېيتقاندا، تۇخۇم سېرىقىنى مۇۋاپىق مىقداردا ئىستېمال قىلسا، يۈرەك قان تومۇر كېسەللىكلىرىگە گىرىپتار بولۇش خەۋپى كۆرۈنەرلىك ھالدا ئېشىپ كەتمەيدىكەن. ئەكسىچە، تۇخۇم تەركىبىدە ئەلا سۈپەتلىك ئاقسىل، ۋىتامىن B توپى، ۋىتامىن D ۋە لېتسىتىن قاتارلىق كۆپ خىل ئوزۇقلۇق ماددىلار مول بولۇپ، تەن ساغلاملىقىنى ساقلاشقا پايدىلىق. ئاز ساندىكى خولېستېرىن مېتابولىزمى بىنورمال بولغان ياكى ئېغىر دەرىجىدە يۇقىرى خولېستېرىنلىق قان كېسىلىگە گىرىپتار بولغان كىشىلەر توپى دوختۇرنىڭ كۆرسەتمىسى بويىچە خولېستېرىننىڭ قوبۇل قىلىنىشىنى ئازايتىشى (تۇخۇم سېرىقىنىمۇ ئۆز ئىچىگە ئالىدۇ) كېرەك. لېكىن ساغلام كىشىلەر توپى ھەر كۈنى 1- 2 دانە تۇخۇم ئىستېمال قىلسا بىخەتەر بولىدۇ، خولېستېرىندىن ئەنسىرەپ تۇخۇم سېرىقىنى پۈتۈنلەي يېمەسلىكنىڭ ھاجىتى يوق. يېمەك- ئىچمەك تەڭپۇڭلۇقىنى ساقلاش، تويۇنغان ياغ ۋە تەتۈر ياغنىڭ قوبۇل قىلىنىشىنى كونترول قىلىش خولېستېرىننىڭ ئۆرلەپ كېتىشىنىڭ ئالدىنى ئېلىشتىكى مۇھىم ھالقا.