ئانار بۇلۇت \ شىنجاڭ گېزىتى خەۋىرى (مۇخبىر خۇاڭ شىڭ) 11- ئاينىڭ 20- كۈنى، تۇنجى نۆۋەتلىك مەملىكەتلىك ياش- ئۆسمۈرلەر ئۈچ چوڭ توپ تەنھەرىكەت مۇسابىقىسىنىڭ ئەرلەر ۋاسكېتبول كوماندىسى ھەل قىلغۇچ مۇسابىقە باسقۇچىدىكى مۇسابىقىسى خۇنەن يۆياڭدا باشلاندى، شىنجاڭ U18 ئەرلەر ۋاسكېتبول كوماندىسى 133كە قارشى 70 نەتىجە بىلەن گۇاڭدۇڭ كوماندىسىغا ئۇتتۇرۇپ قويدى.

　ئىلگىرىكى ئالدىن تاللاش مۇسابىقىسىدە، شىنجاڭ جياڭسۇ، لياۋنىڭ، خۇبېي، نىڭشيا، چىڭخەي، گۇيجوۋ قاتارلىق سەككىز كوماندا بىلەن بىر مۇسابىقە رايونىغا بۆلۈنۈپ، ئەڭ ئاخىرىدا گۇرۇپپا بويىچە ئىككىنچى بولۇشتەك نەتىجە بىلەن ھەل قىلغۇچ مۇسابىقە باسقۇچىغا كىردى. بۇ كوماندىغا ئاپتونوم رايونلۇق تەنتەربىيە ئىدارىسى تەنتەربىيە مەشىقى 1- چوڭ ئەترىتى، شىنجاڭ گۇاڭخۇي ئەرلەر ۋاسكېتبول ياشلار كوماندىسى ۋە شىنجاڭدىكى ھەرقايسى ئوتتۇرا مەكتەپلەرنىڭ مۇنەۋۋەر توپچىلىرى جەم بولدى.

　بۇ قېتىمقى ھەل قىلغۇچ مۇسابىقە باسقۇچىدىكى مۇسابىقىدە، شىنجاڭ كوماندىسى گۇاڭدۇڭ، خۇنەن، فۇجيەن كوماندىلىرى بىلەن بىر گۇرۇپپىغا بۆلۈندى. بۈگۈن، ساھىبخانا خۇنەن U18 ئەرلەر ۋاسكېتبول كوماندىسى 64كە قارشى 122 نەتىجە بىلەن فۇجيەن U18 ئەرلەر ۋاسكېتبول كوماندىسىنى يەڭدى. 11- ئاينىڭ 21- كۈنى سائەت 18دە، شىنجاڭ كوماندىسى بىلەن خۇنەن كوماندىسى ئوتتۇرىسىدىكى مۇسابىقىدە كىمنىڭ گۇرۇپپىدىن چىقىدىغانلىقى ئېنىق بولىدۇ.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)