11- ئاينىڭ 20- كۈنى، كورلا شەھىرىنىڭ يېڭىشەھەر يېزىسى زامانىۋى ئەسلىھەلىك يېزا ئىگىلىك كەسىپلەر باغچىسىدا، تەشتەكلەردە ئۆستۈرۈلگەن لىمونلار رەتلىك تىزىلغان بولۇپ، ھەر بىر تۈپ شاختا يوغان، تولغان لىمونلار ساڭگىلاپ تۇراتتى. يېڭىشەھەر يېزىسى زامانىۋى ئەسلىھەلىك يېزا ئىگىلىك كەسىپلەر رايونىنىڭ ئىگىلىگەن يەر كۆلىمى 950 مو بولۇپ، ئەينەك پارنىكتىن توققۇزى، ئادەتتىكى پارنىكتىن 100 نەچچىسى ۋە يېزا- كەنت ئائىلىۋى مېھمانخانىسى، گۈل دېڭىزى قاتارلىقلارنى قۇرۇش پىلانلاندى. باغچە رايونى پارنىكنىڭ ئىچى- سىرتى ۋە تۇپراققا سېنزور ئۈسكۈنىسى ئورنىتىپ، يان تېلېفون ئارقىلىق سانلىق مەلۇماتلارنى ھەر ۋاقىت كۆزىتىپ، ئەقلىي ئىقتىدارلىق تېمپېراتۇرىنى كونترول قىلىش ۋە تۇپراقسىز ئۆستۈرۈش قاتارلىق تېخنىكىلارنى يېزا ئىگىلىك ئىشلەپچىقىرىشىدا قوللىنىپ، ئەقلىي ئىقتىدارلىق، يۇقىرى ئۈنۈملۈك تېرىقچىلىقنى ئىشقا ئاشۇردى. (ئىختىيارىي مۇخبىرلار ئايزۆھرە ئايۇپ، ما لىجۈەن، پاتىگۈل مەمەت)