دۆلەت داۋالىنىش كاپالىتى ئىدارىسى 11- ئاينىڭ 28- كۈنى ئاخبارات ئېلان قىلىش يىغىنى ئېچىپ، يېڭى نۇسخىدىكى دۆلەت داۋالىنىش سۇغۇرتىسى دورا مۇندەرىجىسىنى تەڭشەش ئەھۋالىنى ئېلان قىلدى. بۇ قېتىمقى تەڭشەشتە جەمئىي 91 خىل دورا يېڭىدىن كۆپەيتىلدى، بۇلار ئۆسمىگە ئىشلىتىلىدىغان دورا، دىيابېت  قاتارلىق سوزۇلما كېسەللەرگە ئىشلىتىلىدىغان دورا، ئاز ئۇچرايدىغان كېسەللەرگە ئىشلىتىلىدىغان دورا، يۇقۇملىنىشقا قارشى تۇرۇشقا ئىشلىتىلىدىغان دورىلار، تەييار جۇڭيى دورىلىرى، روھىي كېسەللەرگە ئىشلىتىلىدىغان دورا قاتارلىقلارنى ئۆز ئىچىگە ئالىدۇ. بۇ قېتىم تەڭشەلگەندىن كېيىن، مۇندەرىجە ئىچىدىكى دورىلارنىڭ ئومۇمىي سانى 3159 خىلغا كۆپىيىپ، ئۆسمە، سوزۇلما كېسەل، ئاز ئۇچرايدىغان كېسەل، بالىلارغا ئىشلىتىلىدىغان دورا قاتارلىق ساھەلەردىكى كاپالەت سەۋىيەسى ئۆستۈرۈلىدۇ.

يېڭى نۇسخىدىكى دۆلەت داۋالىنىش سۇغۇرتىسى دورا مۇندەرىجىسى 2025- يىلى 1- ئاينىڭ 1- كۈنىدىن باشلاپ يولغا قويۇلىدۇ. بۇنىڭغا سۆھبەت ئارقىلىق باھانى چۈشۈرۈش ۋە داۋالىنىش سۇغۇرتىسىدىن ئاتچوت قىلىش ئامىللىرى قوشۇلسا، 2025- يىلى ئاغرىقلارنىڭ 50 مىليارد يۈەندىن ئارتۇق يۈكىنى يېنىكلىتىشى مۆلچەرلەنمەكتە.

يېڭىدىن 91 خىل دورا كۆپەيتىلدى

ئۆسمىگە ئىشلىتىلىدىغان دورا 26 

دىيابېت قاتارلىق سوزۇلما كېسەللەرگە ئىشلىتىلىدىغان دورا 15

ئاز ئۇچرايدىغان كېسەللەرگە ئىشلىتىلىدىغان دورا 13 

يۇقۇملىنىشقا قارشى تۇرۇشقا ئىشلىتىلىدىغان دورا 7 

تەييار جۇڭيى دورىسى 11 

روھىي كېسەلگە ئىشلىتىلىدىغان دورا 4 

باشقا ساھەلەرگە ئىشلىتىلىدىغان دورا 21

يېڭى نۇسخىدىكى دۆلەت داۋالىنىش سۇغۇرتىسى دورا مۇندەرىجىسى

مۇندەرىجە ئىچىدىكى دورا ئومۇمىي سانى 3159 خىلغا كۆپەيدى

بۇنىڭ ئىچىدە

غەربچە دورا 1765 خىل، تەييار جۇڭيى دورىسى 1394 خىل، مۆلچەرلىنىشىچە 2025- يىلى ئاغرىقلارنىڭ 50 مىليارد يۈەندىن ئارتۇق يۈكى يېنىكلىتىلىدىكەن

پايدىلانغان مەنبە: شىنخۇا ئاگېنتلىقى ئابۇنىچىلار تېرمىنالى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)