12- ئاينىڭ 7- كۈنى، ئۈرۈمچى بەييۈن چاڭغا تېيىلىش مەيدانىدىكى 22- نۆۋەتلىك ئۈرۈمچى يىپەك يولى قار- مۇز مەنزىرە بايرىمى ھەم داشۆ ئوقۇغۇچىلىرى چاڭغا تېيىلىش تەكلىپ مۇسابىقىسى نەق مەيدانىغا بارغاندا، بىر تەرەپتىن ئاپئاق لىباس كىيگەن، قار- مۇز بىلەن قاپلانغان دالا كۆزگە چېلىقسا، يەنە بىر تەرەپتىن خوگونىڭ مەززىلىك ھىدى دىماققا ئۇرۇلاتتى.

　ئۈرۈمچى شەھەر ئاھالىسى يې تاۋ مۇنداق دېدى: ئاپئاق قار بىلەن قىزىل رەڭلىك خوگو سېلىشتۇرما بولۇپ، قارنىڭ گۈزەللىكى تېخىمۇ ئەكس ئەتتى، بۇ ھەقىقەتەنمۇ «مۇز بىلەن ئوت»نىڭ روشەن سېلىشتۇرمىسى بولدى، بۇ خىل تۇيغۇ راسلا ئۆزگىچە بولىدىكەن.

　قار- مۇز مەنزىرە بايرىمىنىڭ يۈرۈشلۈك پائالىيىتى بولۇش سۈپىتى بىلەن، بۇ قېتىمقى قار- مۇز خوگو بايرىمىنىڭ ئۆتكۈزۈلۈشى چاڭغا تېيىلىشقا كەلگەن نۇرغۇن شەھەر ئاھالىسى ۋە ساياھەتچىنى جەلپ قىلدى.

　خېبېيلىق ساياھەتچى شيا ۋېيچىن مۇنداق دېدى: ھەرخىل گۆش، كۆكتاتلارنى قازانغا سېلىپ پىشۇردۇق، سوغۇق ھاۋادا قازاندىن چىققان مەززىلىك پۇراق دىماققا ئۇرۇلۇپ، ئىشتىھايىمىزنى ئېچىۋەتتى. ئۈرۈمچىدە سۈپىتى ياخشى بولغان قاردا قانغۇچە تېيىلغىلى بولۇپلا قالماي، يەنە قار- مۇزغا دەسسەپ ئوينىيالايدىكەنمىز، قولنى قىزىتىپ تۇرىدىغان ئىسسىق شورپىنى ئىچكەچ ھەقسىز خوگو يېيەلەيدىكەنمىز، ئۈرۈمچى كىشىگە ھەقىقەتەنمۇ ھەيران قالارلىق خۇشاللىقلارنى ئاتا قىلىدىكەن.

　بەييۈن چاڭغا تېيىلىش مەيدانىنىڭ باش دىرېكتور ياردەمچىسى سۈن يۈمياۋ مۇنداق دېدى: بۇ قېتىم قار- مۇز مەنزىرە بايرىمىدىن ئىبارەت بۇ چوڭ سۇپىدىن پايدىلىنىپ، قار- مۇز خوگو بايرىمى ئۆتكۈزۈپ، شەھەر ئاھالىلىرى ۋە ساياھەتچىلەرنى قارلىق دالىدا ھەقسىز خوگو يېيىشكە تەكلىپ قىلىپ، كۆپچىلىكنى خۇشال- خۇرام چاڭغا تېيىلىش، كۆڭلىدىكىدەك غىزالىنىش، پۇخادىن چىققۇچە ئويناش ئىمكانىيىتىگە ئىگە قىلدۇق. (مۇخبىر لى كەي، گو جۈنگې)