بېشىغا ئۆزگىچە پوسما كىيگەن، ئەتلەس شارپا ئورىۋالغان، بەدىنى يۇمىلاق، قاش- كۆزى جانلىق تەسىر بېرىدىغان بۇ ئوماق قار ئادەم دەل ئۈرۈمچى قىشلىق مەدەنىيەت- ساياھىتىنىڭ IPسى بولغان قار ئادەم «شۆبو».
　12- ئاينىڭ 7- كۈنى، 22- نۆۋەتلىك ئۈرۈمچى يىپەك يولى قار- مۇز مەنزىرە بايرىمى ۋە داشۆ ئوقۇغۇچىلىرى چاڭغا تېيىلىش تەكلىپ مۇسابىقىسى نەق مەيدانىدا چوڭ تىپتىكى «شۆبو» مودېلى، «شۆبو» شەكلىدىكى يوقلىمىدىن ئۆتۈش  تاختىسى، «شۆبو» قونچاق ئارتىسلىرى قاتارلىقلارنى ھەممىلا جايدا كۆرگىلى بولىدىغان بولۇپ، بۇ نۇرغۇن ئۈرۈمچى شەھەر ئاھالىسى ۋە ساياھەتچىنى سۈرەتكە چۈشۈپ يوقلىمىدىن ئۆتۈشكە جەلپ قىلدى.

　قار- مۇز پەسلىدىكى ئۈرۈمچىنىڭ يېڭى ھەمراھى بولۇش سۈپىتى بىلەن، «شۆبو» ئىجادىيىتى قانداق شەكىللەنگەن؟

　ئۈرۈمچى شەھەرلىك مەدەنىيەت- رادىيو- تېلېۋىزىيە ۋە ساياھەت ئىدارىسى (شەھەرلىك مەدەنىيەت يادىكارلىقلىرى ئىدارىسى) تەشۋىق قىلىش، كېڭەيتىش ۋە تاشقى ئالاقە بۆلۈمىنىڭ باشلىقى خەي يەن مۇنداق دېدى: ئەمەلىيەتتە، «شۆبو»نىڭ ئىجادىيىتى شىنجاڭ شېۋىسى «削波儿» (سەل- پەل، ئازراق دېگەن مەنىدە)دىن كەلگەن ئاھاڭداش سۆز بولۇپ، بۇ ئۈرۈمچى قىشلىق مەدەنىيەت- ساياھىتىنىڭ IPسى بولغان قار ئادەمنىڭ نامى قىلىندى، بىز يەنە شېۋە ھېسابلىنىدىغان ئاھاڭداش سۆزلەرنىڭ تارقىلىش ئەۋزەللىكىدىن پايدىلىنىپ، قار ئادەمنى تارقىتىش ۋاسىتىسى قىلغان ماركىتېڭ ۋەزىيىتى يارىتىپ، ئۈرۈمچىنىڭ قار- مۇز ساياھەت پەسلى قىزغىنلىقىنى كۈتۈۋېلىشنى ئۈمىد قىلىمىز. مەيلى «شۆبو»نىڭ شەكلى ياكى ئىسمىدە بولسۇن، ھەممىسىدە قويۇق شىنجاڭ «ئۇسلۇبى» نامايان قىلىندى. (مۇخبىر لى كەي، گو جۈنگې)