توردىشىڭىز «سېخىيلىق بىلەن» سىزگە 500 مىڭ يۈەن يۆتكەپ بېرىپ

سىزنى مەبلەغ سېلىشقا ياردەم قىلىڭ دېسە

سىز ياردەم قىلامسىز؟

ئېھتىيات قىلىڭ! بۇ بەلكىم ئالدامچى ئۇنسۇرلار

كۆڭۈل قويۇپ لايىھەلىگەن بىر ئالدامچىلىق بولۇشى مۇمكىن

　يېقىندا، جياڭسۇ ليەنيۈنگاڭ دۇڭخەي ناھىيەسىدىكى لى خانىم توردا بىر «تورداش» بىلەن تونۇشۇپ قالدى، قارشى تەرەپ «سېخىيلىق بىلەن» لى خانىمغا 500 مىڭ يۈەن يۆتكەپ بېرىدىغانلىقى، ئۇنىڭ ئۆزىگە مەبلەغ سېلىشقا ياردەم قىلىشىنى ئېيتتى. لى خانىم ئەسلىدە قارشى تەرەپنى چاقچاق قىلىۋاتىدۇ، دەپ ئويلىغانىدى، ئويلىمىغان يەردىن قارشى تەرەپ راستتىنلا ئۇنىڭغا پۇل يۆتكەپ بەردى.

　لى خانىم بىلەن ئېرى ليۇ ئەپەندىنىڭ بۇ ئىشقا زادىلا ئىشەنگۈسى كەلمىدى، ئارقىدىن ئەر- خوتۇن ئىككىيلەن پۇلبەرگۈدىن راستتىنلا 40 مىڭ يۈەن نەق پۇل ئالدى. ليۇ ئەپەندى بۇ ئىشنى ئويلىغانسېرى نورمال ئەمەستەك ھېس قىلىپ، ساقچىغا مەلۇم قىلدى.

　خەلق ساقچىلىرىنىڭ تونۇشتۇرۇشىچە، ئالدىنقى قاتلامدىكى ئالدانغۇچىلار پۇلنى لى خانىمنىڭ ھېساباتىغا يۆتكىگەندىن كېيىن، ئالدامچىلار لى خانىمنى قانۇنسىز يۇمشاق دېتال ئارقىلىق ئاتالمىش مەبلەغ سېلىشقا ئۈندەپ، ئاندىن پۇلنى يۆتكەپ، ئالدامچىلىقنى ئاخىرلاشتۇرغان.

　نۆۋەتتە، ساقچىلار ئىككى قېتىم راسچوت قىلىنغان پۇلنى ئالدى ھەمدە بۇ مەبلەغنىڭ ھەقىقىي زىيانكەشلىككە ئۇچرىغۇچىسى بىلەن ئالاقىلەشتى، پۇلنى ئىگىسىگە قايتۇرۇش خىزمىتى ئېلىپ بېرىلماقتا.

خەلق ساقچىلىرى كۆپچىلىككە شۇنى ئەسكەرتىدۇكى

شەخسىي «ئىككى كارتا»نى ئارىيەت بېرىشكە بولمايدۇ

بانكا كارتىسى، تېلېفون كارتىسى پەقەت ئۆزى ئىشلىتىش بىلەنلا چەكلىنىدۇ

　ھەرقانداق شەكىلدە ئارىيەتكە بېرىشكە، ئىجارىگە بېرىشكە، باشقىلارغا سېتىپ بېرىشكە

ئەتراپىدىكى كىشىلەرگە تارقىتىپ بېرىشكە بولمايدۇ!