شىنخۇا ئاگېنتلىقى، بېيجىڭ، 1- ئاينىڭ 7- كۈنى تېلېگراممىسى شىزاڭدىكى رىكازې شەھىرىنىڭ دىڭرى ناھىيەسىدە يۈز بەرگەن 6.8 بال يەر تەۋرەش ئەھۋالىغا قارىتا، مالىيە مىنىستىرلىقى، جىددىي ئىشلارغا تاقابىل تۇرۇش- باشقۇرۇش مىنىستىرلىقى 1- ئاينىڭ 7- كۈنى مەركەزنىڭ تەبىئىي ئاپەتتىن قۇتقۇزۇش مەبلىغىدىن 100 مىليون يۈەننى شىزاڭنىڭ يەر تەۋرەش ئاپىتىدىن قۇتقۇزۇش خىزمىتىنى ياخشى ئىشلىشىگە مەدەت بېرىش ئۈچۈن جىددىي ئاجراتتى، بۇ مەبلەغ جىددىي ئىشلارغا تاقابىل تۇرۇش بويىچە خەتەردىن قۇتقۇزۇش ۋە ئاپەتكە ئۇچرىغان ئاممىنى قۇتقۇزۇش- ياردەم بېرىش خىزمىتىگە بىر تۇتاش ئىشلىتىلىدۇ، ئاپەتكە ئۇچرىغان خادىملارنى ئىزدەش، قۇتقۇزۇش، يۆتكەپ ئورۇنلاشتۇرۇش، خەتەرنى تۈگىتىش قاتارلىق جىددىي تاقابىل تۇرۇش، بىر تەرەپ قىلىش، ئىككىلەمچى ئاپەت يوشۇرۇن خەۋپىنى تەكشۈرۈش ۋە جىددىي تۈزەش، ئۆرۈلۈپ چۈشكەن ئۆيلەرنى رېمونت قىلىش قاتارلىق خىزمەتلەر نۇقتىلىق ياخشى ئىشلىنىدۇ.

　مالىيە مىنىستىرلىقى شىزاڭ مالىيە نازارىتىدىن مەبلەغنى ئاپەت رايونىغا ئاجرىتىپ بېرىشنى چىڭ تۇتۇشنى، ئاپەت رايونىنىڭ جىددىي قۇتقۇزۇش- ياردەم بېرىش مەبلىغىنى ئورۇنلاشتۇرۇشىنى ۋە مەبلەغ ئېھتىياجىنى ۋاقتىدا ئىگىلەپ، تەدبىر قوللىنىپ، پۈتۈن كۈچى بىلەن كاپالەتلىك قىلىشنى ھەمدە مەبلەغنى نازارەت قىلىپ باشقۇرۇشنى ھەقىقىي كۈچەيتىپ، مەبلەغ ئۈنۈمىنى تولۇق جارى قىلدۇرۇشنى تەلەپ قىلدى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)