شىنخۇا ئاگېنتلىقى، بىرلەشكەن دۆلەتلەر تەشكىلاتى، 1- ئاينىڭ 7- كۈنى تېلېگراممىسى (مۇخبىر شى چۇن) بىرلەشكەن دۆلەتلەر تەشكىلاتىنىڭ باش كاتىپى گۇتېررېس 1- ئاينىڭ 7- كۈنى بايانات ئېلان قىلىپ، جۇڭگو شىزاڭنىڭ دىڭرى ناھىيەسىدىكى يەر تەۋرەشتە كىشىلەرنىڭ بەختسىزلىككە ئۇچرىغانلىقىغا قايغۇلۇق تەزىيە بىلدۈردى، ھەر ۋاقىت ياردەم بېرىشكە تەييار ئىكەنلىكىنى بىلدۈردى.

باياناتتا مۇنداق دېيىلدى: گۇتېررېس يارىلانغانلارنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشلىق بىلدۈرىدۇ، بەختسىزلىككە ئۇچرىغانلارنىڭ ئائىلە تەۋەلىرىدىن سەمىمىي ھال سورايدۇ.

گۇتېررېس يەنە بىرلەشكەن دۆلەتلەر تەشكىلاتىنىڭ ئالاقىدار ئاپەت ئەھۋالىغا يېقىندىن دىققەت قىلىۋاتقانلىقىنى، ھەر ۋاقىت ياردەم بېرىشكە تەييار ئىكەنلىكىنى بىلدۈردى.

شىزاڭنىڭ رېكازې شەھىرى دىڭرى ناھىيەسىدە 1- ئاينىڭ 7- كۈنى سائەت 9دىن 5 مىنۇت ئۆتكەندە 6.8 بال يەر تەۋرىدى. 1- ئاينىڭ 7- كۈنى سائەت 19غىچە، دىڭرى ناھىيەسىدىكى يەر تەۋرەش 126 ئادەمنىڭ بەختسىزلىككە ئۇچرىشى، 188 ئادەم يارىلىنىشىنى كەلتۈرۈپ چىقاردى.

پايدىلانغان مەنبە: شىنخۇا ئاگېنتلىقى ئابۇنىچىلار تېرمىنالى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)