باش ئىستانسا مۇخبىرىنىڭ ئىگىلىشىچە، كورېيە يۇقىرى دەرىجىلىك ھۆكۈمەت خادىملىرىنىڭ جىنايەت ئۆتكۈزۈشىنى تەكشۈرۈش باشقارمىسى «شۇ جاي ۋاقتى 1- ئاينىڭ 15- كۈنى سائەت 10دىن 33 مىنۇت ئۆتكەندە يىن شىيۆ قولغا ئېلىندى»، دېگەن.

بۇ، كورېيە تارىخىدا ھازىر ۋەزىپە ئۆتەۋاتقان زۇڭتۇڭنى قولغا ئېلىش بۇيرۇقىنىڭ تۇنجى قېتىم ئىجرا قىلىنىشى.

قانۇندىكى بەلگىلىمىگە ئاساسەن، كورېيە يۇقىرى دەرىجىلىك ھۆكۈمەت خادىملىرىنىڭ جىنايەت ئۆتكۈزۈشىنى تەكشۈرۈش باشقارمىسى يىن شىيۆنى قولغا ئالغاندىن كېيىن، پەقەت 48 سائەت توختىتىپ قويۇپ سوراق قىلىدۇ، ئۇنىڭدىن كېيىن جەزمەن توختىتىپ قويۇش بۇيرۇقىنى ئىلتىماس قىلىش- قىلماسلىقنى قارار قىلىدۇ، توختىتىپ قويۇش مۇددىتىنى ئەڭ ئۇزاق بولغاندا 20 كۈن ئۇزارتىدۇ، بولمىسا ئادەمنى قويۇپ بېرىدۇ.

شۇ كۈنى، كورېيەدىكى ھاكىمىيەت سىرتىدىكى ئەڭ چوڭ پارتىيە − ئورتاق دېموكراتلار پارتىيەسىنىڭ داھىيسى پياۋ زەندا «يىن شىيۆنى قولغا ئېلىش ئاساسىي قانۇنلۇق سىياسەت تەرتىپىنى ئەسلىگە كەلتۈرۈشنىڭ تۇنجى قەدىمى»، دەپ بىلدۈردى.

پايدىلانغان مەنبە: مەركىزىي تېلېۋىزىيە ئىستانسىسى ئاخبارات ئابۇنىچىلار تېرمىنالى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)