ھەرقايسى جايلاردىكى ھەرقايسى ئالىي مەكتەپلەرنىڭ قىشلىق تەتىل كۆزنەك مەزگىلىدىن تولۇق پايدىلىنىشقا تۈرتكە بولۇپ، ئىشقا ئورۇنلىشىشقا يېتەكچىلىك قىلىش مۇلازىمىتىنى يەنىمۇ ئەلالاشتۇرۇش ۋە ئۆستۈرۈش ئۈچۈن، يېقىندا، مائارىپ مىنىستىرلىقى ئۇقتۇرۇش بېسىپ تارقىتىپ، ھەرقايسى جايلاردىكى ھەرقايسى ئالىي مەكتەپلەردىكى 2025- يىلى ئالىي مەكتەپنى پۈتكۈزىدىغان ئوقۇغۇچىلارنى كۆزدە تۇتۇپ، «قىشلىق تەتىلدە ئىشقا ئورۇنلىشىشنى ئىلگىرى سۈرۈش قەلبلەرنى ئىللىتىش ھەرىكىتى»نى چوڭقۇر قانات يايدۇرۇشقا تەشكىللىدى.

　ئۇقتۇرۇشتا مۇنۇلار ئايدىڭلاشتۇرۇلدى: قىشلىق تەتىل مەزگىلىدە، دۆلەت داشۆ ئوقۇغۇچىلىرىنى ئىشقا ئورۇنلاشتۇرۇش مۇلازىمەت سۇپىسى 12 مەيدان نۇقتىلىق رايون، نۇقتىلىق كەسىپ، نۇقتىلىق ساھەلەرنىڭ توردا خىزمەتچى قوبۇل قىلىش مەخسۇس پائالىيىتىنى داۋاملىق يولغا قويىدۇ. مائارىپ مىنىستىرلىقىنىڭ مەركەزنىڭ مەخسۇس لاتارىيە ئاممىۋى پاراۋانلىقى فوندى «ئۇلۇغۋار ئىرادە بىلەن سەپەرگە ئاتلىنىشقا ياردەم بېرىش پىلانى» مەملىكەت بويىچە ئالىي مەكتەپنى پۈتكۈزگەنلەرنى ئىشقا ئورۇنلىشىش ئىقتىدارى بويىچە تەربىيەلەش تور سۇپىسى توردا تەربىيەلەش دەرسلىكىنى داۋاملىق يولغا قويىدۇ.

　ئۇقتۇرۇشتا مۇنۇلار تەلەپ قىلىندى: ھەرقايسى جايلاردىكى ھەرقايسى ئالىي مەكتەپلەر مائارىپ مىنىستىرلىقىنىڭ «ئالاقە تورى + ئىشقا ئورۇنلىشىشقا يېتەكچىلىك قىلىش» ئاممىۋى پاراۋانلىق بىۋاسىتە كۆرسىتىش دەرسى قاتارلىق بايلىقلاردىن تولۇق پايدىلىنىپ، 2- نۆۋەتلىك مەملىكەتلىك داشۆ ئوقۇغۇچىلىرى كەسىپ پىلانلاش مۇسابىقىسى قاتارلىق پائالىيەتلەرنى ئۆتكۈزۈشىگە بىرلەشتۈرۈپ، سىياسەتنى چۈشەندۈرۈش، قىسقىچە تەرجىمىھال تەييارلاش، يۈزتۇرا ئىمتىھانغا يېتەكچىلىك قىلىش، خىزمەت ئىزدەش ماھارىتى قاتارلىق جەھەتلەردىن ئوقۇش پۈتكۈزگەن ئوقۇغۇچىلارنى قاراتمىلىق  ھالدا «بۇلۇت دەرسخانىسى»، «بۇلۇت يېتەكچىلىكى» بىلەن تەمىنلەيدۇ. قىشلىق تەتىلدە ئوقۇش پۈتكۈزگەن ئوقۇغۇچىلارنىڭ مەكتەپتىن ئايرىلىپ يۇرتىغا قايتىش كۆزنەك مەزگىلىنى چىڭ تۇتۇپ، ئوقۇش پۈتكۈزگەن ئوقۇغۇچىلارنى كارخانا، كەسپىي ئورۇنلار، پەن- تېخنىكا باغچە رايونى، پىراكتىكا بازىسى، ئاساسىي قاتلامنىڭ بىرىنچى سېپىگە بېرىپ پىراكتىكا ئەمەلىيىتى، جەمئىيەتنى تەكشۈرۈپ تەتقىق قىلىش، پىدائىيلار مۇلازىمىتى، كەسپىي جەھەتتىن تەربىيەلەش قاتارلىق پائالىيەتلەرگە قاتنىشىشقا پائال تەشكىللەيدۇ. (مۇخبىر دىڭ ياسۇڭ)

　پايدىلانغان مەنبە: خەلق گېزىتى