ئانار بۇلۇت\شىنجاڭ گېزىتى مۇخبىرى گو لىڭ

　«بۇلتۇرقى ۋەدەمنىڭ ھەممىسىنى ئەمەلگە ئاشۇردۇم.» 1- ئاينىڭ 12- كۈنى، ئاپتونوم رايونلۇق خەلق قۇرۇلتىيى ۋەكىلى ئىليار ئەنۋەر مۇخبىرغا مۇنداق دېدى: بۇلتۇر ئاپتونوم رايوننىڭ ئىككى يىغىنى يېپىلغاندا، مەن تاراتقۇلارنىڭ كامېراسى ئالدىدا يېڭى بىر يىللىق خىزمەت پىلانىمنى ئوتتۇرىغا قويۇپ، ئەينى چاغدا مەن كەنتنىڭ ئەلا سۈپەتلىك يېزا ئىگىلىك مەھسۇلاتلىرىنى داڭلىق ماركىلاشتۇرۇپ، سېتىش يوللىرىنى كېڭەيتىش ئارقىلىق كەنت كوللېكتىپ ئىگىلىكىنى زورايتىش توغرىسىدا ۋەدە بەرگەنىدىم، بۈگۈنكى كۈندە ھەممىسىنى ئەمەلگە ئاشۇردۇم.

　ئىليار ئۈرۈمچى شەھىرى مىدۇڭ رايونى چاڭشەنزى بازىرى تۇلياڭ كەنتى پارتىيە ياچېيكىسىنىڭ شۇجىسى بولۇپ، ئاساسىي قاتلام كادىرى بولۇش سۈپىتى بىلەن، ئۇ مەسئۇلىيەتنى ئادا قىلىشتا خەلقنىڭ ئارزۇسىنى كۆزلەش كېرەكلىكىنى چوڭقۇر بىلىدۇ. جېجياڭغا بېرىپ خەلق قۇرۇلتىيى ۋەكىللىرىنى تەربىيەلەشكە قاتنىشىپ، ئىليار جېجياڭنىڭ «مىڭ، ئونمىڭ قۇرۇلۇشى» تەجرىبىسىنى ئۆگەنگەندە ناھايىتى ئەستايىدىل بولدى، كەنتكە قايتقاندىن كېيىن «جەلپكار تۇلياڭ» كەنت داڭلىق ماركىسى ۋە «جىنتۇلياڭ» يېزا ئىگىلىك مەھسۇلاتلىرى داڭلىق ماركىسىنى ياراتتى.

　ماركىنىڭ تونۇلۇش دەرىجىسىنى ئۆستۈرۈش ئۈچۈن، ئىليار كەنت كادىرلىرى بىلەن بىرلىكتە ماركا logoسىنى لايىھەلەپ، ۋاسكېتبول كوماندىسىغا ياردەم قىلىش، مەركىزىي ئولتۇراق رايوندىكى ئېلان ئورنىنى قولغا كەلتۈرۈش قاتارلىق شەكىللەر ئارقىلىق ماركىنى تەشۋىق قىلىش سالمىقىنى زورايتتى؛ تۈرلۈك كۆرگەزمە قىلىپ سېتىش يىغىنى ۋە يەرمەنكىگە ئاكتىپ قاتنىشىپ، بارلىق پۇرسەتنى چىڭ تۇتۇپ «جىنتۇلياڭ» داڭلىق ماركىسىنى تەشۋىق قىلدى؛ دوۋيىن، ۋىيشىن سىن نومۇرى قاتارلىق تور سۇپىسىدىن پايدىلىنىپ، قىسقا فىلىم ئىشلەپ، ھەر تەرەپلىمە، ھېس قىلىش شەكلىدىكى ماركېتىڭنى قانات يايدۇردى.

　بۇلتۇر 5- ئايدا، شىنجاڭ جىنتۇلياڭ يېزا ئىگىلىك تەرەققىيات چەكلىك شىركىتى قۇرۇلدى. شىركەت تىجارەت دائىرىسىنى ئۈزلۈكسىز كېڭەيتىپ، ئەڭ دەسلەپكى شىنجاڭنىڭ يەرلىك قويىدىن گۈل، ھەسەل، سۈت، مېۋە- چىۋە قاتارلىقلارغىچە كەسپىنى كۈنسېرى بېيىتتى. كەنت قۇرغان كارخانا بولۇش سۈپىتى بىلەن، «جىنتۇلياڭ» تەدرىجىي تەرەققىي قىلىپ زورىيىپ، رىقابەت كۈچى كۈنسېرى ئېشىپ، تېخىمۇ كۆپ دېھقاننىڭ كىرىمىنى ئاشۇرۇپ بېيىشىغا تۈرتكە بولدى.

　بىر يىلدىن بۇيان، ئىليار «ئونمىڭ ۋەكىل ئونمىڭ ئائىلىگە كىرىش» باش تېما ئەمەلىيەت پائالىيىتى ئارقىلىق، قەرەللىك ھالدا ئائىلىلەرگە كىرىپ زىيارەت قىلىپ، ئاممىنىڭ خەلق تۇرمۇشىغا دائىر ئىلتىماس- تەلىپىدىن 12نى توپلىدى، ئاھالىلەرنىڭ سۇ ئىشلىتىش، گاز ئىشلىتىش، ئوقۇش قاتارلىق ئالدىراۋاتقان، قىينىلىۋاتقان، غەم قىلىۋاتقان، ئارزۇ قىلىۋاتقان مەسىلىلىرىدىن 13نى ماسلاشتۇرۇپ ھەل قىلدى.

　ئىليارنىڭ ئاپتونوم رايوننىڭ ئىككى يىغىنىغا ئېلىپ كەلگەن تەۋسىيەلىرى يىلدىن- يىلغا كۆپەيدى، كۆپىنچىسى خەلق تۇرمۇشى ۋە يېزا- كەنتلەرنى گۈللەندۈرۈش توغرىسىدىكى تەۋسىيەلەر ئىدى، «خەلق قۇرۇلتىيى ۋەكىلى بولۇش سۈپىتىم بىلەن، خىزمەت، تۇرمۇشتا نەمۇنىلىك، باشلامچىلىق رولۇمنى پائال جارى قىلدۇرۇپ، ۋەكىللىك مەسئۇلىيىتىمنى ئەستايىدىل ئادا قىلىپ، ئاكتىپلىق بىلەن ئامما ئۈچۈن ئەمەلىي ئىش قىلىپ بېرىمەن، قىيىن ئىشلىرىنى ھەل قىلىپ بېرىمەن».