ئاپتونوم رايونلۇق سىياسىي كېڭەش 13- نۆۋەتلىك كومىتېتى 2- يىغىنىدىن بۇيان 579 پارچە تەكلىپ بېجىرىلىپ جاۋاب قايتۇرۇلدى

　ئانار بۇلۇت\شىنجاڭ گېزىتى خەۋىرى (مۇخبىرلار جاڭ يەنفاڭ، لى ياڭ) ئاپتونوم رايونلۇق سىياسىي كېڭەش 13- نۆۋەتلىك كومىتېتى 2- يىغىنىدىن بۇيان، جەمئىي 997 پارچە تەكلىپ تاپشۇرۇۋېلىندى، تەكشۈرۈش ئارقىلىق 579 پارچە تەكلىپ ئەنگە ئېلىندى، 89 ئورۇن تەكلىپنى بېجىرىشنى ئۈستىگە ئالدى، بېجىرىلىپ جاۋاب قايتۇرۇلۇش نىسبىتى ％100 بولدى.

　بىر يىلدىن بۇيان، ئاپتونوم رايونلۇق سىياسىي كېڭەش يېڭىلىق يارىتىش ئۈستىدە پائال ئىزدىنىپ، نىشان يۆنىلىشىنى كۈچەيتىپ، نەتىجىلەرنى ئايلاندۇرۇشقا ئەھمىيەت بېرىپ، تەكلىپ خىزمىتىنىڭ ساندىن سۈپەتكە ئۆزگىرىشىنى، يىغىندىن بۇرۇن توپلاشتىن پۈتۈن يىللىق تەشكىللەشكە ئۆزگىرىشىنى، «مەن تەكلىپ بېرەي، سىز بېجىرىڭ»دىن كېڭىشىپ بېجىرىشكە ئۆزگىرىشىنى ئالغا سىلجىتتى.

　ئاپتونوم رايونلۇق سىياسىي كېڭەش ئاپتونوم رايونلۇق پارتىيە كومىتېتىنىڭ سىياسىي كېڭەش خىزمىتى توغرىسىدىكى ئورۇنلاشتۇرما تەلىپىنى ئەستايىدىل ئىزچىللاشتۇرۇپ، ئەمەلىيلەشتۈرۈپ، «پارتىيە كومىتېتى، ھۆكۈمەتنىڭ ئاساسلىق رەھبەرلىرى نۇقتىلىق تەكلىپلەرنى بېجىرىشكە باشلامچىلىق بىلەن ھەيدەكچىلىك قىلىش»تىن ئىبارەت مەسئۇلىيەتنى ئادا قىلىش داڭلىق ماركىسىنى سىجىل ياراتتى، يېڭىلىق يارىتىش خاراكتېرلىك بۇ تۈزۈم ئورۇنلاشتۇرۇشى مۇھىم ئۈلگىلىك، يېتەكچىلىك رولىنى جارى قىلدۇردى. 2024- يىلى، ئاپتونوم رايونلۇق سىياسىي كېڭەشنىڭ 13 پارچە نۇقتىلىق تەكلىپى، ھەرقايسى ۋىلايەتلىك، ئوبلاستلىق، شەھەرلىك سىياسىي كېڭەشلەرنىڭ 142 پارچە نۇقتىلىق تەكلىپى، ھەرقايسى ناھىيەلىك، شەھەرلىك، رايونلۇق سىياسىي كېڭەشلەرنىڭ 772 پارچە نۇقتىلىق تەكلىپىنى بىردەك ھەر دەرىجىلىك پارتىيە كومىتېتى، ھۆكۈمەتتىكى رەھبىرىي يولداشلار بېجىرىشكە باشلامچىلىق بىلەن ھەيدەكچىلىك قىلىپ، يۇقىرى بىلەن تۆۋەن تۇتاشتۇرۇلغان، ئومۇميۈزلۈك ھەمتۈرتكە بولۇنغان بېجىرىشكە ھەيدەكچىلىك قىلىش ئەندىزىسى بەرپا قىلىندى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)