ئانار بۇلۇت\شىنجاڭ گېزىتى خەۋىرى (مۇخبىر جاڭ لېي) 1- ئاينىڭ 20- كۈنى كەچتە، ئاپتونوم رايونلۇق 14- نۆۋەتلىك خەلق قۇرۇلتىيى مالىيە- ئىقتىساد كومىتېتى 16- ئومۇمىي يىغىن ئۆتكۈزۈپ، دەسلەپكى تەكشۈرۈش ئاساسىدا، ھەرقايسى ۋەكىللەر ئۆمەكلىرى ۋە ئالاقىدار مەخسۇس كومىتېتلارنىڭ تەكشۈرۈش پىكرىگە ئاساسەن، پىلان ۋە خامچوت دوكلاتى ھەم لايىھەسىنى يەنىمۇ ئىلگىرىلەپ تەكشۈردى.

　يىغىندا ئاپتونوم رايونلۇق 14- نۆۋەتلىك خەلق قۇرۇلتىيى مالىيە- ئىقتىساد كومىتېتىنىڭ ئاپتونوم رايوننىڭ 2024- يىللىق خەلق ئىگىلىكى ۋە جەمئىيەت تەرەققىيات پىلانىنىڭ ئىجرا قىلىنىش ئەھۋالى بىلەن ئاپتونوم رايوننىڭ 2025- يىللىق خەلق ئىگىلىكى ۋە جەمئىيەت تەرەققىيات پىلانى لايىھەسىنى تەكشۈرۈش نەتىجىسى توغرىسىدىكى دوكلاتى، ئاپتونوم رايونلۇق 14- نۆۋەتلىك خەلق قۇرۇلتىيى مالىيە- ئىقتىساد كومىتېتىنىڭ ئاپتونوم رايوننىڭ 2024- يىللىق خامچوتىنىڭ ئىجرا قىلىنىش ئەھۋالى ۋە ئاپتونوم رايوننىڭ 2025- يىللىق خامچوت لايىھەسىنى تەكشۈرۈش نەتىجىسى توغرىسىدىكى دوكلاتى تولۇق مۇزاكىرە قىلىنىپ، بۇ ئىككى تەكشۈرۈش نەتىجىسى توغرىسىدىكى دوكلاتنى تۈزىتىش كىرگۈزۈپ مۇكەممەللەشتۈرگەندىن كېيىن، ئاپتونوم رايونلۇق 14- نۆۋەتلىك خەلق قۇرۇلتىيى 3- يىغىنى ھەيئەت رىياسىتى 3- يىغىنىنىڭ قاراپ چىقىشىغا سۇنۇش قارار قىلىندى.