ئانار بۇلۇت \ شىنجاڭ گېزىتى خەۋىرى (مۇخبىر ۋاڭ شىڭرۇي) ئاپتونوم رايونلۇق 14- نۆۋەتلىك خەلق قۇرۇلتىيى 3- يىغىنى ھەيئەت رىياسىتى 1- ئاينىڭ 21- كۈنى چۈشتىن بۇرۇن 3- يىغىن ئۆتكۈزدى. يىغىن ھەيئەت رىياسىتىنىڭ دائىمىي رەئىسى زۇمرەت ئوبۇل يىغىنغا رىياسەتچىلىك قىلدى.

　يىغىن ھەيئەت رىياسىتىنىڭ دائىمىي رەئىسلىرىدىن خې جۇڭيوۋ، جاڭ جۇ، چېن مىڭگو، ۋاڭ لىن، ۋاڭ مىڭشەن، لى نىڭپىڭ، توختى ياقۇپ، پىڭ شىنلەي، ۋاڭ گوخې، مەمتىمىن قادىر، جاۋ تيەنجيې يىغىنغا قاتناشتى.

　يىغىندا يىغىن كاتىبات باشقارمىسىنىڭ ھۆكۈمەت خىزمىتىدىن دوكلاتنى قاراپ چىقىش ئەھۋالى توغرىسىدىكى دوكلاتى ئاڭلاپ ئۆتۈلدى، ھۆكۈمەت خىزمىتىدىن دوكلات توغرىسىدىكى قارار لايىھەسىنى ھەرقايسى ۋەكىللەر ئۆمەكلىرىنىڭ قاراپ چىقىشىغا سۇنۇش قارار قىلىندى؛ ئاپتونوم رايونلۇق 14- نۆۋەتلىك خەلق قۇرۇلتىيى مالىيە- ئىقتىساد كومىتېتىنىڭ پىلان لايىھەسى، خامچوت لايىھەسىنى تەكشۈرۈش نەتىجىسى توغرىسىدىكى دوكلاتى ئاڭلاپ ئۆتۈلدى، پىلان، خامچوت توغرىسىدىكى قارار لايىھەسىنى ھەرقايسى ۋەكىللەر ئۆمەكلىرىنىڭ قاراپ چىقىشىغا سۇنۇش قارار قىلىندى.

　يىغىندا ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ بۆلۈم باشلىقى ۋاڭ لىننىڭ سايلام ئىشلىرى توغرىسىدىكى چۈشەندۈرۈشى ئاڭلاپ ئۆتۈلدى، نامزاتلارنىڭ ئىسىملىكىنى ھەرقايسى ۋەكىللەر ئۆمەكلىرىنىڭ كېڭىشىشىگە سۇنۇش قارار قىلىندى.

　يىغىندا ۋەكىللەرنىڭ بىرلىشىپ ئىمزا قويۇپ نامزات كۆرسىتىشىنى ئاخىرلاشتۇرۇش ۋاقتى 2025- يىلى 1- ئاينىڭ 21- كۈنى سائەت 24كىچە بولۇش قارار قىلىندى.