قار- مۇز شادلىقى

　شىنجاڭ مەملىكەت بويىچە قار- مۇز بايلىقى ئەڭ مول رايونلارنىڭ بىرى، كۆز يەتكۈسىز قار- مۇز بىلەن قاپلانغان گۈزەل مەنزىرە كىشىنى مەپتۇن قىلىدۇ. شىنجاڭنىڭ قىش پەسلىدىكى ئادىمىيەت ساياھەتچىلىكى ۋە تەبىئىي بايلىق ئەۋزەللىكىنى چوڭقۇر قېزىپ، شىنجاڭنىڭ قار- مۇز ساياھەتچىلىكى، قار- مۇز مەدەنىيىتىنىڭ يۇقىرى سۈپەتلىك تەرەققىياتىغا كۈچ قوشۇش ئۈچۈن، ئاپتونوم رايونلۇق پارتىيە كومىتېتى تەشۋىقات بۆلۈمى، شىنجاڭ گېزىتخانىسى(گۇرۇھى)، ئاپتونوم رايونلۇق ئەدەبىيات- سەنئەتچىلەر بىرلەشمىسى، شىنجاڭ فوتوگرافلار جەمئىيىتى يېقىندا بىرلىكتە «چاقناپ تۇرغان چىراغلار، رەڭگارەڭ تۈسكە كىرگەن شىنجاڭ» قار- مۇز فوتو سۈرەت مۇسابىقىسى ئۆتكۈزدى. بۇ مۇسابىقە كامېرا ئارقىلىق شىنجاڭنىڭ قىش پەسلىدىكى ئۆزگىچە جەلپكارلىقىنى خاتىرىلەپ، شىنجاڭنىڭ قىش پەسلىدىكى مەنزىرىسىنىڭ گۈزەللىكى، مەدەنىيەت ساياھىتىنىڭ قاينام- تاشقىنلىققا چۆمگەنلىكى، قار- مۇز تەنھەرىكىتىنىڭ قىزىپ كەتكەنلىكى ۋە خەلق ئۆرپ- ئادىتى مەدەنىيىتىنىڭ چاقناپ تۇرغانلىقىنى ئەكس ئەتتۈرۈشنى مەقسەت قىلغان.

　مۇسابىقىگە ئەسەر قوبۇل قىلىش قىزغىن داۋاملاشماقتا! ھازىر مۇسابىقىگە قاتناشتۇرۇلغان بىر قىسىم ئەسەرلەرنى تاللاپ ئوقۇرمەنلەرنىڭ ھۇزۇرىغا سۇندۇق.

　بۇ ساننىڭ ئاپتورلىرى: لۈ زىجيې، نيەن لېي، سۈن گوفۇ