3- نۆۋەتلىك شىنجاڭ مەدەنىيەت- سەنئەت بايرىمى مەزگىلىدە يۈرۈشلۈك كۆرگەزمە پائالىيەتلىرى يانداش ئۆتكۈزۈلۈپ، يېڭى دەۋردىكى شىنجاڭنىڭ گۈزەل سەنئەت ساھەسىدىكى ئىجادىيەت نەتىجىلىرى ۋە تەرەققىيات نەتىجىلىرى تولۇق نامايان قىلىنىپ، ھەر مىللەت خەلقنىڭ مول، رەڭدار جەمئىيەت تۇرمۇشى تولۇق نامايان قىلىنىپ، ھازىرقى زاماندىكى شىنجاڭنىڭ گۈزەل سەنئەت ساھەسىدىكى ئەڭ يېڭى نەتىجىلەر كۆپ تەرەپ، كۆپ نۇقتىدىن نامايان قىلىنىدۇ.

　مۇخبىرنىڭ 3- ئاينىڭ 28- كۈنى ئۆتكۈزۈلگەن 2025- يىللىق 3- نۆۋەتلىك شىنجاڭ مەدەنىيەت- سەنئەت بايرىمى مەخسۇس تېمىسىدىكى ئاخبارات تاراتقۇلىرىنى خەۋەرلەندۈرۈش يىغىنىدىن ئىگىلىشىچە، بۇ قېتىمقى يۈرۈشلۈك كۆرگەزمە پائالىيىتى كۆرگەزمە قىلىش ۋە ئاساسىي قاتلامغا يەتكۈزۈش سەييارە كۆرگەزمىسىدىن ئىبارەت ئىككى چوڭ بۆلەككە بۆلۈنگەن بولۇپ، شىنجاڭ گۈزەل سەنئەت سارىيىدا ئۆتكۈزۈلىدىغان كۆرگەزمە 5- نۆۋەتلىك شىنجاڭ ماي بوياق رەسىم كۆرگەزمىسى ۋە شىنجاڭ گۈزەل سەنئەت سارىيىنىڭ 2024- يىللىق گۈزەل سەنئەت سارىيىدا ساقلىنىۋاتقان بۇيۇملار دوكلات كۆرگەزمىسى ئىكەن. ئاساسىي قاتلامغا يەتكۈزۈش سەييارە كۆرگەزمىسىدە «نادىر ئەسەرلەرنى ئاساسىي قاتلامغا يەتكۈزۈش» ئاساسىي مەقسەت قىلىنغان بولۇپ، بۇ، «جاسارەت بىلەن ئالغا ئىلگىرىلەيدىغان يېڭى دەۋر ئاساسىي تېما قىلىنغان ئويما رەسىم ئەسەرلىرى كۆرگەزمىسى»، «بىللە ياشاش مۇھىتى − شىنجاڭدا يۈز يىللىق گۈزەل سەنئەتنىڭ بارلىققا كېلىشى، تەرەققىياتى ۋە ھازىرقى ئەھۋالى»، «ياشلىق باھارغا ھۆرمەت بىلدۈرۈش، بىز ساۋاقداشلار ئۇ چاغدا ياش ئىدۇق − 2- نۆۋەتلىك شىنجاڭ داشۆ ئوقۇغۇچىلىرىنىڭ مۇنەۋۋەر گۈزەل سەنئەت ئەسەرلىرى كۆرگەزمىسى»، «يۈز يىللىق ئىز − شىنجاڭ ئويما رەسىم ئەسەرلىرى كۆرگەزمىسى» قاتارلىق تۆت كۆرگەزمىنى ئۆز ئىچىگە ئالىدىكەن.

　شىنجاڭ گۈزەل سەنئەت سارىيىنىڭ باشلىقى ليۇ شىچىڭ تونۇشتۇرۇپ مۇنداق دېدى: بۇ قېتىمقى يۈرۈشلۈك كۆرگەزمە پائالىيىتىگە شىنجاڭنىڭ ئەلا سۈپەتلىك مەدەنىيەت سەنئەت بايلىقى مۇجەسسەملەنگەن بولۇپ، گۈزەل سەنئەت سارىيىدا ساقلىنىۋاتقان نادىر سەنئەت ئەسەرلىرى، ھازىرقى زامان ئىجادىيەتلىرى قاتارلىق 100 (گۇرۇپپا)دىن ئارتۇق كۆرگەزمە بۇيۇمى تاللىنىپ، نەپىس سەنئەت ھەقىقىي تۈردە ئاممىنىڭ كۆز ئالدىدىكى مەنىۋى ئوزۇققا ئايلاندۇرۇلىدۇ.

　بۇنىڭ ئىچىدە 5- نۆۋەتلىك شىنجاڭ ماي بوياق رەسىم كۆرگەزمىسىدە ئاساسلىقى شىنجاڭدىن 13- نۆۋەتلىك، 14- نۆۋەتلىك مەملىكەتلىك گۈزەل سەنئەت ئەسەرلىرى كۆرگەزمىسىگە تاللانغان ماي بوياق ئەسەرلەر، بۇ نۆۋەتلىك باھالىغۇچىلار ئەسەرلىرى، ئالاھىدە تەكلىپ بىلەن قاتناشتۇرۇلغان ئەسەرلەر ۋە يىغىپ تاللانغان ئەسەرلەر كۆرگەزمە قىلىنىدۇ، بۇ ھەم شىنجاڭ ماي بوياق رەسىم سەنئىتىنىڭ تەرەققىيات مۇساپىسىدىكى ئابىدە خاراكتېرلىك نامايەندە، ھەم يېڭى دەۋردىكى جۇڭخۇا مىللىتى ئورتاق گەۋدىسى ئېڭىنىڭ كۆرۈش سېزىمى جەھەتتىكى ئىزاھاتى.

　«شىنجاڭ گۈزەل سەنئەت سارىيىنىڭ 2024- يىللىق گۈزەل سەنئەت سارىيىدا ساقلىنىۋاتقان بۇيۇملار دوكلات كۆرگەزمىسى»گە 78 مۇنەۋۋەر ساقلانما بۇيۇم تاللانغان بولۇپ، بۇلار مەملىكەتلىك گۈزەل سەنئەت ئەسەرلىرى كۆرگەزمىسىگە تاللانغان ۋە مۇكاپاتلانغان مۇنەۋۋەر ئەسەرلەرنى ئۆز ئىچىگە ئالىدۇ، كۆرگەزمە قىلىنغان ھەربىر ئەسەر سەنئەت ۋە ئىدىيەنىڭ جەۋھىرى ھېسابلىنىدۇ. «2024- يىللىق مەملىكەتلىك گۈزەل سەنئەت سارىيىدا ساقلىنىۋاتقان نادىر بۇيۇملارنى كۆرگەزمە قىلىش پەسىللىك پائالىيەت مۇندەرىجىسى»گە كىرگۈزۈلگەن مۇنەۋۋەر كۆرگەزمە تۈرى بولغان «بىللە ياشاش مۇھىتى − شىنجاڭدا يۈز يىللىق گۈزەل سەنئەتنىڭ بارلىققا كېلىشى، تەرەققىي قىلىشى ۋە ھازىرقى ئەھۋالى»دا شىنجاڭ تېما قىلىنغان گۈزەل سەنئەت ئىجادىيىتىدىكى مۇۋەپپەقىيەتلەر ئەكس ئەتتۈرۈلگەن بولۇپ، بۇلارنى ئوخشاش بولمىغان تارىخىي دەۋرلەردىكى ھەر مىللەت سەنئەتكارلىرى ئورتاق ئىجاد قىلغان.

　شۇنىڭ بىلەن بىللە، ئاساسىي قاتلامغا يەتكۈزۈش سەييارە كۆرگەزمىسىدە «ياشلىق باھارغا ھۆرمەت بىلدۈرۈش، بىز ساۋاقداشلار ئۇ چاغدا ياش ئىدۇق − 2- نۆۋەتلىك شىنجاڭ داشۆ ئوقۇغۇچىلىرىنىڭ مۇنەۋۋەر گۈزەل سەنئەت ئەسەرلىرى كۆرگەزمىسى» بۆلىكى تەسىس قىلىنىپ، شىنجاڭدىكى ئالىي مەكتەپلەرنىڭ سەنئەت شۆيۈەنى، فاكۇلتېتلىرىدىكى ئوقۇغۇچىلارنىڭ مۇنەۋۋەر ئەسەرلىرىدىن 100دىن ئارتۇقى توپلاندى، بۇ ماي بوياق رەسىم، جۇڭگوچە رەسىم، لايىھەلەش، يېڭى تاراتقۇ سەنئىتى قاتارلىق تۈرلەرنى ئۆز ئىچىگە ئالىدۇ. كۆرگەزمىدە ھازىرقى زامان داشۆ ئوقۇغۇچىلىرىنىڭ سەنئەت جەھەتتىكى ئىجادچانلىقى نامايان قىلىنىپلا قالماي، يەنە ئالاقىدار ئاممىۋى مائارىپ پائالىيەتلىرى ئارقىلىق سەنئەت مائارىپى بىلەن ئاساسىي قاتلام مەدەنىيەت ئېھتىياجىنى ئۇدۇللاشتۇرۇشقا تۈرتكە بولۇنۇپ، يېزا- كەنتلەرنى گۈللەندۈرۈشكە ياشلىق ھەرىكەتلەندۈرگۈچى كۈچى قوشۇلىدۇ.

　«يۈز يىللىق ئىز − شىنجاڭ ئويما رەسىم ئەسەرلىرى كۆرگەزمىسى»دە ئويما رەسىم ۋاسىتە قىلىنىپ، پارتىيەنىڭ شانلىق مۇساپىسى ۋە شىنجاڭنىڭ ئىقتىساد، جەمئىيەت تەرەققىياتىدىكى مۇۋەپپەقىيەتلەر جانلىق نامايان قىلىنىدۇ. كۆرگەزمە خوتەننىڭ يوتقان قەدىمىي شەھىرىگە ئېلىپ بېرىلىپ، چۆكۈش شەكلىدىكى كۆرگەزمە، ھەمتۈرتكىلىك چۈشەندۈرۈش قاتارلىق شەكىللەر ئارقىلىق قىزىل مەدەنىيەت كىشىلەر قەلبىدىن چوڭقۇر ئورۇن ئالدۇرۇلۇپ، ھەر مىللەت خەلقنىڭ ۋەتەنپەرۋەرلىك ھېسسىياتى ئۇرغۇتۇلىدۇ. (مۇخبىر لى كەي)