ئانار بۇلۇت \ شىنجاڭ گېزىتى مۇخبىرى ياۋ گاڭنىڭ ئاپتونوم رايونلۇق مەدەنىيەت ۋە ساياھەت نازارىتىدىن ئىگىلىشىچە، چىڭمىڭلىق دەم ئېلىش مەزگىلىدە، ئاپتونوم رايون بويىچە 2 مىليون 425 مىڭ 400 ئادەم قېتىم ساياھەتچى كۈتۈۋېلىنپ، بۇلتۇرقى ئوخشاش مەزگىلدىكىدىن ％9.74 ئاشقان؛ ساياھەتچىلەرنىڭ ئىستېمال خىراجىتى 2 مىليارد 450 مىليون يۈەن بولۇپ، بۇلتۇرقى ئوخشاش مەزگىلدىكىدىن ％11.46 ئاشقان. دەم ئېلىش مەزگىلىدە، شىنجاڭنىڭ ھەرقايسى جايلىرى تۈرلۈك مەدەنىيەت- ساياھەت پائالىيەتلىرىنى يولغا قويۇپ، ئىستىراھەت سەيلە- ساياھىتى، مەدەنىيەت تەسىراتى، قىزىل ساياھەتنى يادرو قىلغان ساياھەت مەھسۇلاتلىرى سىجىل جانلاندى، مەدەنىيەت- ساياھەت بازىرىدا «كۆپ نۇقتىدا گۈل ئېچىلىش، پۈتۈن رايون ھەمتۈرتكە بولۇش»تەك گۈللىنىش ۋەزىيىتى بارلىققا كەلدى.

4- ئاينىڭ 4- كۈنى، غۇلجا شەھىرى خەيتاڭ يولى ۋە ئالما باغچىسىنىڭ ھەممە يېرى كۈلكە- چاقچاقلارغا تولغان بولۇپ، كىشىلەر كۆكلەم سەيلىسى، چېچەك سەيلىسى قىلىپ، باھاردىكى تەبىئەت بېغىشلىغان گۈزەللىكتىن قانغۇچە ھۇزۇرلاندى. غۇلجا شەھىرى خەيتاڭ يولى بۇ شەھەردىكى ئەتىيازلىق ئالقىشلانغان داكا جاي بولۇش سۈپىتى بىلەن، بايرام مەزگىلىدە ئادەتتىن تاشقىرى قىزىپ كەتتى.

شيېچېڭ سۇپىسىنىڭ سانلىق مەلۇماتىدا كۆرسىتىلىشىچە، چىڭمىڭلىق دەم ئېلىش مەزگىلىدە، شىنجاڭنىڭ ساياھەت زاكاز مىقدارى بۇلتۇرقى ئوخشاش مەزگىلدىكىدىن ％15، ئايروپىلان بېلىتى زاكاز مىقدارى بۇلتۇرقى ئوخشاش مەزگىلدىكىدىن ％28 ئاشقان، سايرام كۆلى، تىيانشان بوغدا كۆلى قاتارلىق مەنزىرە رايونلىرىدىكى ساياھەت قىزغىنلىقى تېز ئاشقان. سايرام كۆلىنىڭ كۈتۈۋېلىش مىقدارى بۇلتۇرقى ئوخشاش مەزگىلدىكىدىن ％65، تىيانشان بوغدا كۆلىنىڭ ئىشىك بېلىتى زاكاز مىقدارى بۇلتۇرقى ئوخشاش مەزگىلدىكىدىن ％45 ئاشقان.

چىڭمىڭلىق دەم ئېلىش مەزگىلىدە، شىنجاڭنىڭ ساياھەت بازىرىدا «جەنۇب- شىمال ھەمتۈرتكە بولۇش» ۋەزىيىتى نامايان بولدى، چاڭشا، بېيجىڭ، شاڭخەي، شىنشياڭ، چېڭدۇ ئاساسلىق ساياھەتچىلەر مەنبەسى بولدى، چېڭدۇ، شىئەن، بېيجىڭ، لەنجوۋ، چۇڭچىڭ شىنجاڭ ئاھالىلىرىنىڭ سەپەرگە چىقىشىدىكى ئالقىشلىق مەنزىلگاھ بولدى.