ئانار بۇلۇت \ شىنجاڭ گېزىتى خەۋىرى (مۇخبىر رېن جياڭ) 4- ئاينىڭ 8- كۈنىدىن 11- كۈنىگىچە، «مېنىڭ شىنجاڭ توغرىسىدىكى ھېكايەم» تېمىسىدا ماقالە قوبۇل قىلىش پائالىيىتى، «شىنجاڭ ئەسلىمىلىرى» كونا سۈرەتلەرنى توپلاش پائالىيىتى، «تىيانشاندىكى ماددىي بۇيۇملار 70 يىلغا گۇۋاھ بولدى» تېمىسىدىكى ئەمەلىي بۇيۇملارنى توپلاش پائالىيىتى، «بەختلىك چېگرا رايون» تېمىسىدىكى قىسقا سىن توپلاش پائالىيىتى ئارقا- ئارقىدىن باشلاندى، بۇ، شىنجاڭ گېزىتخانىسى (گۇرۇھ)نىڭ گۈزەل، ھەيۋەتلىك تاغ- دەريالار − ئاپتونوم رايون قۇرۇلغانلىقىنىڭ 70 يىللىقى باش تېمىسىدىكى ئەسەر توپلاش پائالىيىتىنىڭ ئومۇميۈزلۈك باشلانغانلىقىدىن دېرەك بېرىدۇ. پائالىيەتتە ماقالە، سۈرەت، قىسقا سىن، ئەمەلىي بۇيۇم توپلاش ھەمدە چوڭ تىپتىكى خەلق ناخشا- قوشاقلىرىنى توپلاش پائالىيىتىنى قانات يايدۇرۇش، كۆرگەزمە قىلىش، كۆرسىتىش، قويۇش پائالىيىتى ئۆتكۈزۈش قاتارلىق شەكىللەر ئارقىلىق، يېزىق، سۈرەت، ئەمەلىي بۇيۇم قاتارلىق كۆپ خىل ۋاسىتە بويىچە، ئاپتونوم رايون قۇرۇلغان 70 يىلدىن بۇيانقى شانلىق مۇساپە، شانلىق مۇۋەپپەقىيەتلەر ۋە قىممەتلىك تەجرىبىلەر ئومۇميۈزلۈك نامايان قىلىنىپ، ئاپتونوم رايون قۇرۇلغانلىقىنىڭ 70 يىللىقىنى تەبرىكلەش ئۈچۈن ياخشى جەمئىيەت كەيپىياتى يارىتىلىدۇ.

بۇ قېتىمقى ئەسەر توپلاش پائالىيىتى نۇرغۇن تارماق پائالىيەتلەرنى ئۆز ئىچىگە ئالىدۇ، بۇنىڭ ئىچىدىكى «مېنىڭ شىنجاڭ توغرىسىدىكى ھېكايەم» تېمىسىدا ماقالە قوبۇل قىلىش پائالىيىتىدە، يازغۇچىلار شەخسىي كەچۈرمىشى ۋە تەسىراتى ئارقىلىق قاينام- تاشقىنلىققا تولغان يىللارنى يېزىق شەكلىدە قايتا ئەسلەشكە، ئىللىق ئەسلىمىلەرنى بايان قىلىشقا سەمىمىي تەكلىپ قىلىنىدۇ. 70 يىلدىن بۇيان، بولۇپمۇ پارتىيە 18- قۇرۇلتىيىدىن بۇيان، پارتىيەنىڭ رەھبەرلىكىدە، شىنجاڭدا قولغا كەلتۈرۈلگەن تارىخىي مۇۋەپپەقىيەتلەر، بارلىققا كەلگەن تارىخىي ئۆزگىرىشلەر چوڭقۇر ئەكس ئەتتۈرۈلۈپ، پۈتۈن شىنجاڭدىكى ھەر مىللەت خەلقنىڭ بىر مەقسەتتە ئىتتىپاقلىشىپ، تىرىشىپ جۇڭگوچە زامانىۋىلاشتۇرۇشنىڭ شىنجاڭ سەھىپىسىنى پۈتۈپ چىقىشىغا ئىلھام بېرىلىدۇ.

«شىنجاڭ ئەسلىمىلىرى» كونا سۈرەتلەرنى توپلاش پائالىيىتىدە 1949- يىلىدىن ھازىرغىچە بولغان ھەرقايسى مەزگىللەردىكى دەۋر ئىزنالىرى خاتىرىلەنگەن كونا سۈرەتلەر توپلىنىدۇ. باش تېمىسى جەمئىيەت تۇرمۇشى، شەھەر- يېزىلاردىكى ئۆزگىرىش، ئىشلەپچىقىرىش- قۇرۇلۇش، مەدەنىيەتكە ۋارىسلىق قىلىش، ئېكولوگىيەنى قوغداشتىن ئىبارەت بەش چوڭ تۈرگە مۇناسىۋەتلىك بولۇپ، سۈرەت ئارقىلىق شىنجاڭنىڭ ئىقتىساد، جەمئىيەت تەرەققىياتى، خەلق تۇرمۇشى قۇرۇلۇشى نەتىجىلىرى ئىستېرېئولۇق نامايان قىلىنىپ، شىنجاڭدىكى يېڭى ئۆزگىرىش، يېڭى ۋەزىيەت، يېڭى قىياپەت ئىستېرېئولۇق نامايان قىلىنىپ، دۆلەت مۇھەببىتى بىلەن كوللېكتىپ ئەسلىمىلەر تۇتاشتۇرۇلۇپ، دەۋر قىممىتى يەتكۈزۈلىدۇ.

«تىيانشاندىكى ماددىي بۇيۇملار 70 يىلغا گۇۋاھ بولدى» تېمىسىدىكى ئەمەلىي بۇيۇملارنى توپلاش پائالىيىتىدە، دىققەت «ۋاقىت سۆھبىتى» «دەۋر ئىزنالىرى» «سەپەردىن ئۆرنەك ئېلىش»تىن ئىبارەت ئۈچ چوڭ باش تېمىغا مەركەزلەشتۈرۈلۈپ، جەمئىيەتكە يۈزلىنىپ، تارىخىي گۇۋاھلىق ئەھمىيىتىگە ئىگە يېڭى- كونا بۇيۇملار، مەدەنىيەت ئىجادىيىتى ھۈنەر- سەنئەت بۇيۇملىرى ھەمدە تەرەققىيات مۇۋەپپەقىيەتلىرى خاتىرىلەنگەن ئەمەلىي بۇيۇم مودېللىرى توپلىنىدۇ. پۇقرالار نۇقتىسىدا تۇرۇپ مىكرو قاتلامدىن بايان قىلىش ئارقىلىق كونا بۇيۇملارغا «جان كىرگۈزۈلۈپ»، يېڭى ئىجادىيەت ئارقىلىق ھېسسىيات يەتكۈزۈلۈپ، تۇتقىلى بولىدىغان، ھېس قىلغىلى بولىدىغان 70 يىللىق ئىتتىپاقلىشىپ جاسارەت بىلەن ئىلگىرىلەش دەۋر مەنزىرىسى بەرپا قىلىنىدۇ.

«بەختلىك چېگرا رايون» تېمىسىدىكى قىسقا سىن توپلاش پائالىيىتىدە، پۈتۈن جەمئىيەتكە يۈزلىنىپ تۈرلۈك قىسقا سىن ئەسەرلىرى توپلىنىدۇ. ئىجادىي بايان قىلىش ۋە ئاددىي بولغان كۆرۈنۈش ئارقىلىق، دەۋر ئۆزگىرىشى خاتىرىلىنىپ، بەخت ۋە تەرەققىيات ھېكايىسى بايان قىلىنىدۇ. تەسىر قىلىش كۈچى كۈچلۈك، بىۋاسىتە كۆرۈش سېزىمى كۈچلۈك بولغان سىن كۆرۈنۈشلىرى ئارقىلىق، بەختلىك چېگرا رايوننىڭ يېڭى قىياپىتى نامايان قىلىنىدۇ، بۇ، چېگرا رايوندىكى كېپىنەكسىمان ئۆزگىرىش، ئىناق، گۈزەل يېزا- كەنت قاتارلىق يەتتە ئاساسىي تېمىدىن تەركىب تاپقان، ئەسەر شەكلى كۆپ خىل بولۇپ، مىكرو سىن، مىكرو كىنو قاتارلىقلارنى ئۆز ئىچىگە ئالىدۇ.

پائالىيەتتە شىنجاڭ گېزىتى، «ئۆگىنىش كۈچلۈك دۆلىتى» شىنجاڭ ئۆگىنىش سۇپىسى، ئانار بۇلۇت تېرمىنالى، تىيانشان تورى قاتارلىق نوپۇزلۇق تاراتقۇلارغا تايىنىلىپ، مەخسۇس ئىستون، مەخسۇس سەھىپە تەسىس قىلىنىپ، نادىر ھېكايە، ئەسەر ۋە ئەمەلىي بۇيۇملار نامايان قىلىنىدۇ. قىسقا سىن، يېزىق، سۈرەت قاتارلىق شەكىللەر ئارقىلىق ھەرىكەت ھالىتىدە خەۋەر قىلىش ياخشى ئىشلىنىپ، ئومۇمىي بايان ۋە ئوبزورلار ۋاقتىدا ئېلان قىلىنىدۇ. شۇنىڭ بىلەن بىللە، 3- تەرەپ سۇپىسىدا تېما بويىچە ھەمتۈرتكە بولۇنۇپ، پۈتكۈل جەمئىيەتنىڭ قاتنىشىشىغا تۈرتكە بولۇنىدۇ.

شىنجاڭ گېزىتخانىسى(گۇرۇھ)نىڭ ئالاقىدار مەسئۇلى مۇنداق بىلدۈردى: پائالىيەتتە ئاپتونوم رايون قۇرۇلغان 70 يىلدىن بۇيان، بولۇپمۇ پارتىيە 18- قۇرۇلتىيىدىن بۇيان، پارتىيە مەركىزىي كومىتېتىنىڭ شىنجاڭدىكى ھەر مىللەت خەلققە بولغان غەمخورلۇقى ۋە تاپشۇرۇقى تولۇق نامايان قىلىنىپ، شىنجاڭنىڭ پارتىيە مەركىزىي كومىتېتىنىڭ تەدبىر- ئورۇنلاشتۇرمىلىرىنى ئىزچىللاشتۇرۇش، ئەمەلىيلەشتۈرۈشتىكى جانلىق ئەمەلىيىتى ئومۇميۈزلۈك گەۋدىلەندۈرۈلۈپ، شىنجاڭنىڭ ئىقتىساد، جەمئىيەت تەرەققىياتى ۋە خەلق تۇرمۇشىنى ياخشىلاشتىكى غايەت زور مۇۋەپپەقىيەتلىرى مەركەزلىك نامايان قىلىنىپ، شىنجاڭدىكى ھەر مىللەت خەلقنىڭ مىننەتدار بولۇپ جاسارەت بىلەن ئىلگىرىلەش، يۇقىرى سۈپەتلىك تەرەققىياتقا تۈرتكە بولۇشتىكى تەسىرلىك ھېكايىلىرى ياخشى سۆزلىنىپ، ھەر مىللەت كادىرلار، ئاممىنىڭ بىر مەقسەتتە ئىتتىپاقلىشىپ، داۋاملاشتۇرۇپ كۈرەش قىلىپ، جۇڭگوچە زامانىۋىلاشتۇرۇشنىڭ شىنجاڭ ئەمەلىيىتىنى تىرىشىپ ئالغا سىلجىتىپ، قۇدرەتلىك دۆلەت قۇرۇش، مىللەتنى گۈللەندۈرۈشكە شىنجاڭ تۆھپىسىنى قوشۇش جاسارىتى ئۇرغۇتۇلىدۇ.