يېڭىسار ناھىيە ماڭشىن بازىرىنىڭ خاس يېزا ئىگىلىك تېرىقچىلىق بازىسىدىكى پارنىكلاردا ئۆستۈرۈلگەن قوغۇن تۈرىدىكى زىرائەتلەرنى ئەتىيازلىق پەرۋىش قىلىشنىڭ «ئالتۇن مەزگىلى» يېتىپ كەلدى، ھەمكارلىق كوپىراتىپى دېھقانلارنى تەشكىللەپ پېلەكلەرنى رەتلەش، شاخلارنى چاتاش قاتارلىق مۇھىم ھالقىلارنى چۆرىدەپ، ئەتىيازلىق پەرۋىش قىلىشنى ئىلمىي، ئۈنۈملۈك قانات يايدۇرۇپ، قوغۇندىن مول ھوسۇل ئېلىپ، كىرىمنى ئاشۇرۇشقا ياخشى ئاساس سالدى.

　4- ئاينىڭ 7- كۈنى، مۇخبىر يېڭىسار ناھىيە ماڭشىن بازىرى تۆۋەن ئېرىق كەنتى پەنخاۋ كۆكتات تېرىقچىلىقى دېھقانلار كەسپىي ھەمكارلىق كوپىراتىپىنىڭ تېرىقچىلىق بازىسىدا، كوپىراتىپ ئەزالىرىنىڭ قوغۇن پېلىكلىرى ئارىسىدا ئىنچىكىلىك بىلەن پېلەكلەرنى رەتلەپ، ئارتۇق يان شاخلىرىنى دەل جايىدا چاتاپ، باشقۇرۇش، پەرۋىش قىلىش خىزمىتىنى ئەستايىدىل ياخشى ئىشلەۋاتقانلىقىنى كۆردى.