شىنجاڭ ئېلېكتىر ئېنېرگىيەسى سودا مەركىزى چەكلىك شىركىتىنىڭ 4- ئاينىڭ 14- كۈنىدىكى سانلىق مەلۇماتىدا كۆرسىتىلىشىچە، ھازىرغا قەدەر، شىنجاڭ ئېلېكتىر ئېنېرگىيە بازىرىدا رويخەتكە ئالدۇرغان ئابۇنىچى 13 مىڭغا يەتكەن، بازارلاشقان سودا شەكلى ئارقىلىق پۈتۈشۈلگەن توك مىقدارى جەمئىي 900 مىليارد 900 مىليون كىلوۋات \ سائەتكە يېتىپ، 900 مىليارد كىلوۋات \ سائەتلىك چوڭ ئۆتكەلنى بۆسۈپ ئۆتكەن.

　شىنجاڭنىڭ بازارلاشقان سودا شەكلى ئارقىلىق پۈتۈشۈلگەن توك مىقدارى 2016- يىلىدىكى 19 مىليارد 600 مىليون كىلوۋات \ سائەتتىن 2024- يىلىدىكى 150 مىليارد كىلوۋات \ سائەتكە يېتىپ، بازارلاشقان سودا شەكلى ئارقىلىق پۈتۈشۈلگەن توك مىقدارى شىنجاڭ ئېلېكتىر تورى تىجارەت رايونىنىڭ پۈتۈن جەمئىيەتتىكى توك ئىشلىتىش مىقدارىدا ئىگىلىگەن نىسبىتى %26.7تىن %73.5كە ئۆرلىگەن، شىنجاڭ ئېلېكتىر ئېنېرگىيەسى بىرلىككە كەلگەن چوڭ بازىرى قۇرۇلۇشىنىڭ نەتىجىسى كۆرۈنەرلىك بولغان، ئېلېكتىر ئېنېرگىيەسى بازىرى شىنجاڭنىڭ ئېلېكتىر ئېنېرگىيەسى بايلىقىنى ئەلالاشتۇرۇپ تەقسىملەشتىكى مۇھىم ۋاسىتىگە ئايلانغان.

　2015- يىلى، دۆلىتىمىز ئېلېكتىر ئېنېرگىيەسىنى بازارلاشتۇرۇش ئىسلاھاتىنى يولغا قويغاندىن بۇيان، دۆلەتنىڭ ئېلېكتىر ئېنېرگىيەسى تۈزۈلمە ئىسلاھاتى نۇقتىدا سىناق قىلىنىدىغان رايونلارنىڭ بىرى بولغان شىنجاڭ 2016- يىلىدىن باشلاپ شىنجاڭ ئىچىدىكى ئېلېكتىر ئېنېرگىيەسى بازىرى قۇرۇلۇشىنى تېز ئالغا سىلجىتىپ، ئېلېكتىر ئېنېرگىيە بازىرى ئىسلاھاتىنى تېزلىتىش، توك تارقىتىش، توك ئىشلىتىش پىلانىنى تەرتىپلىك قويۇۋېتىش، ئوتتۇرا، ئۇزاق مەزگىللىك سودىنى مۇكەممەللەشتۈرۈشكە دائىر بىر قاتار سىياسەت- ھۆججەتلەرنى ئېلان قىلدى. (مۇخبىر ۋاڭ يۈەنيۈەن، ئىختىيارىي مۇخبىر جاۋ لېي)