بايىنغولىن ئوبلاستىنىڭ 2025- يىللىق «ئانار دانىسى لوڭقىسى» ياش- ئۆسمۈرلەر ۋاسكېتبول بىرلەشمە مۇسابىقىسى 4- ئاينىڭ 15- كۈنى يەنجى ناھىيەلىك تەنتەربىيە سارىيىدا باشلاندى. بايىنغولىن ئوبلاستىدىكى سەككىز ناھىيە، بىر شەھەر، بىڭتۇەن 2- شىسىدىن بولۇپ جەمئىي 78 كوماندا مۇسابىقىگە قاتناشتى.

　مۇسابىقىنى بايىنغولىن ئوبلاستلىق مەدەنىيەت- تەنتەربىيە- رادىيو- تېلېۋىزىيە ۋە ساياھەت ئىدارىسى، بايىنغولىن ئوبلاستلىق مائارىپ ئىدارىسى ئۇيۇشتۇرغان، يەنجى ناھىيەلىك مەدەنىيەت- تەنتەربىيە- رادىيو- تېلېۋىزىيە ۋە ساياھەت ئىدارىسى (مەدەنىيەت يادىكارلىقلىرى ئىدارىسى)، يەنجى ناھىيەلىك مائارىپ ۋە پەن- تېخنىكا ئىدارىسى ئۆتكۈزۈشنى ئۈستىگە ئالغان، بايىنغولىن ئوبلاستلىق تەنتەربىيە باش جەمئىيىتى، ئوبلاستلىق ۋاسكېتبولچىلار جەمئىيىتى، كورلا شەھەرلىك ۋاسكېتبولچىلار جەمئىيىتى ھەمكارلاشقان، مۇسابىقە باشلانغۇچ مەكتەپ گۇرۇپپىسى، تولۇقسىز ئوتتۇرا مەكتەپ گۇرۇپپىسى ۋە تولۇق ئوتتۇرا مەكتەپ گۇرۇپپىسىدىن ئىبارەت ئۈچ گۇرۇپپىغا بۆلۈنگەن بولۇپ، 4- ئاينىڭ 21- كۈنىگىچە داۋاملىشىدۇ. (ئىختىيارىي مۇخبىر ما يۆ، ساۋ جى كاڭ)