4- ئاينىڭ 18- كۈنى ئۈرۈمچى شەھەرلىك «12345» مەمۇرىي ئىشلار مۇلازىمەت قىزىق لىنىيە مەركىزى ئۈرۈمچى سايباغ رايونىنىڭ شىنخۇا مەھەللىسى بىلەن بىرلىشىپ، ئۈرۈمچى شەھەرلىك خەلق باغچىسىدا «سەمىمىي مەركىزىي شەھەر بەرپا قىلىشتا قىزىق لىنىيە بىلەن سەپەرداش بولۇش» باش تېمىسىدىكى تەشۋىقات پائالىيىتىنى قانات يايدۇرۇپ، سەمىمىيەت مەدەنىيىتىنى ئەۋج ئالدۇرۇپ، ئاھالىلەرنىڭ سەمىمىيەت ئېڭىنى كۈچەيتىپ، سەمىمىي بولغان، لەۋزىدە تۇرىدىغان جەمئىيەت كەيپىياتى ياراتتى.

　خەلق باغچىسىدىكى چېنىقىش سارىيى ئالدىدا، لايىھە تۇيغۇسىغا باي تەشۋىقات تاختىلىرى باغچىدىكى پىيادىلەر يولىنى بويلاپ رەت بويىچە تىزىلغان بولۇپ، ئۈرۈمچى شەھىرىنىڭ «12345» مەمۇرىي ئىشلار مۇلازىمەت قىزىق لىنىيەسىنىڭ كەسىپ قوبۇل قىلىش دائىرىسى، يوللىرى سۈرەت ۋە يېزىق ئارقىلىق نامايان قىلىنغانىدى.

　خىزمەتچىلەر پىدائىيلار كىيىمىنى كىيىپ، ئۈرۈمچى شەھەر ئاھالىلىرىگە قىزغىنلىق بىلەن «سەمىمىيەت بىلىملىرى قوللانمىسى»، «ئىناۋەت ھوقۇق- مەنپەئەتنى قوغداش قوللانمىسى» قاتارلىق تەشۋىقات ماتېرىياللىرىنى تارقىتىپ، «بىر قېتىم لەۋزىدە تۇرمىسا، ھەممىلا جايدا چەكلىمىگە ئۇچراش»تىن ئىبارەت لەۋزىدە تۇرمىغانلارنى جازالاپ ئاگاھلاندۇرۇش مېخانىزمىنى تەپسىلىي چۈشەندۈرۈپ، سەمىمىي بولۇشنىڭ مۇھىملىقىنى ئاممىباب، چۈشىنىشلىك سۆزلەر بىلەن جانلىق بايان قىلدى.

　ئۈرۈمچى شەھەرلىك «12345» مەمۇرىي ئىشلار مۇلازىمەت قىزىق لىنىيە مەركىزىنىڭ مۇئاۋىن مۇدىرى ۋاڭ فېييەن مۇنداق دېدى: بىز تەشۋىقات پائالىيىتى ئارقىلىق ئاممىنىڭ سەمىمىيەت ئېڭىنى ئۆستۈرۈپ، سەمىمىيەت مەدەنىيىتى بەرپا قىلىشنى، شۇنىڭ بىلەن بىر ۋاقىتتا، پۇقرالارنىڭ ئەمەلىي ئېھتىياجىنى ھەقىقىي ئاڭلاپ، «12345» قىزىق لىنىيەسىنىڭ سەمىمىيەت نازارەتچىلىكى ۋە خەلق تۇرمۇشىغا مۇلازىمەت قىلىش جەھەتتىكى ئاچقۇچلۇق رولىنى جارى قىلدۇرۇشنى ئۈمىد قىلىمىز.