مۇخبىرنىڭ ئۈرۈمچى شەھەرلىك مائارىپ ئىدارىسىدىن ئىگىلىشىچە، پۈتۈن شەھەردىكى ئوتتۇرا- باشلانغۇچ مەكتەپلەرنىڭ تەنتەربىيە مەيدانلىرى ئاممىغا ھەقسىز ئېچىۋېتىلىدىكەن.

　بۇنىڭ ئىچىدە، باشلانغۇچ مەكتەپ، تولۇقسىز ئوتتۇرا مەكتەپلەرنىڭ تەنتەربىيە مەيدانلىرى ھەپتە ئاخىرىدا، قىشلىق، يازلىق تەتىلدە ھەر كۈنى ئېچىۋېتىلىدىكەن؛ تولۇق ئوتتۇرا مەكتەپلەرنىڭ تەنتەربىيە مەيدانلىرى ھەپتە ئاخىرىدا ئاز دېگەندە بىر كۈن، قىشلىق، يازلىق تەتىلدە ھەر كۈنى ئېچىۋېتىلىدىكەن. ئېچىۋېتىلىش ۋاقتى قىش پەسلىدە سائەت 10:00دىن 20:00گىچە، ياز پەسلىدە 8:00دىن 22:00گىچە بولىدىكەن.

　ھەپتە ئاخىرىدا ياتاقتا يېتىپ ئوقۇيدىغان ئوقۇغۇچىلار بار مەكتەپلەردە تەنتەربىيە مەيدانلىرى قىشلىق، يازلىق تەتىلدە ھەر كۈنى ئېچىۋېتىلىدىكەن، مەكتەپتە ئىمتىھان ئېلىش، مەيداننى رېمونت قىلىش قاتارلىق ئالاھىدە ئەھۋاللار بولسا، تەنتەربىيە مەيدانى ۋاقتىنچە ئېچىۋېتىلمەيدىكەن ھەمدە مەكتەپ دەرۋازىسىنىڭ كۆزگە چېلىقىدىغان يېرىگە ئېلان چاپلىنىدىكەن.

　ئىگىلىنىشىچە، ئىلگىرى، ئۈرۈمچى شەھىرىنىڭ 2025- يىللىق خەلق تۇرمۇشىغا دائىر ئون ئەمەلىي ئىشىدا ئوتتۇرا- باشلانغۇچ مەكتەپلەردىن ئاز دېگەندە 200ىنىڭ زال سىرتىدىكى تەنتەربىيە مەيدانلىرىنى بايرام، دەم ئېلىش كۈنلىرى ۋە قىشلىق، يازلىق تەتىلدە ئاممىغا ھەقسىز ئېچىۋېتىشكە سىجىل تۈرتكە بولۇپ، ئاممىنىڭ مەدەنىيەت- تەنتەربىيە تۇرمۇش مۇلازىمىتى تەمىناتىنى بېيىتىش ئوتتۇرىغا قويۇلغان. (مۇخبىر جاڭ مېڭتىڭ)