نيې ۋېيجيې باغراش ناھىيە ئۇلانزېكسىن بازىرى ئۇلانزېكسىن كەنتىدىكى يۇرتىغا قايتىپ كەلگەن ئالىي مەكتەپ ئوقۇغۇچىسى. بۇ ئىككى يىلدا باغراش ناھىيەسى ساياھەتچىلىكىنىڭ جۇش ئۇرۇپ راۋاجلىنىشىغا ئەگىشىپ، ئۇنىڭدا ئىگىلىك تىكلەش خىيالى پەيدا بولدى. بازارلىق ھۆكۈمەتنىڭ يېتەكلىشى ۋە رىغبەتلەندۈرۈشى بىلەن، ئۆز ئۆيىنى ئۆزگەرتىپ، خاس ئائىلىۋى مېھمانخانا بەرپا قىلىشقا كۆڭۈل قويۇپ تەييارلىق قىلدى. 

　«بىزنىڭ ئۆي مەنزىرە رايونىغا ئىنتايىن يېقىن، مەنزىرە رايونىنىڭ ساياھەتچىلەر  ئېقىمى نىسبەتەن زور، مېنىڭ بۇ ياخشى پۇرسەتنى قولدىن بېرىپ قويغۇم يوق، شۇڭا يۇرتۇمدا ئائىلىۋى مېھمانخانا ئېچىشنى تاللىدىم»، دېدى باغراش ناھىيە ئۇلانزېكسىن بازىرى ئۇلانزېكسىن كەنتى ئاھالىسى نيې ۋېيجيې.

　نيې ۋېيجيې يېزىلارنىڭ ئاددىي ئۆرپ- ئادەتلىرى بىلەن زامانىۋى تۇرمۇشنىڭ ئازادىلىكىنى ئەپچىللىك بىلەن بىرلەشتۈرۈپ، ساياھەتچىلەرنىڭ كۆپ خىل ئېھتىياجىنى قاندۇردى. بىر يىلغا يېقىن تىرىشچانلىق كۆرسىتىش ئارقىلىق، ھازىر مېھمانخانىنىڭ ئاساسىي گەۋدىسى پۈتتى، ئۆي ئىچى بېزىلىشى جىددىي ئېلىپ بېرىلىۋاتقان بولۇپ، بۇ يىل 5- ئايدا رەسمىي تىجارەت باشلىشى مۆلچەرلەنمەكتە. 

　«ئومۇمىي مەبلەغ تەخمىنەن 1 مىليون 500 مىڭ يۈەن بولۇپ، جەمئىي 14 ياتاق بار. ئوخشىمىغان ساياھەتچىلەرنىڭ ئېھتىياجىنى قاندۇرۇش ئۈچۈن، ئۆلچەملىك ياتاق، يالغۇز كىشىلىك ياتاق، ئۈچ كىشىلىك ياتاق تەسىس قىلىندى، تەخمىنەن 36 ئادەمنى سىغدۇرالايدۇ، تۆت پەسىلنىڭ ھەممىسىدە تىجارەت قىلىمىز، يازدا ھاۋا تەڭشىگۈچ، قىشتا پار بار، ساياھەتچىلەرگە يېزا تۇرمۇشىنى ھېس قىلدۇرىمىز»، دېدى باغراش ناھىيە ئۇلانزېكسىن بازىرى ئۇلانزېكسىن كەنتى ئاھالىسى نيې ۋېيجيې. (ئىختىيارىي مۇخبىر دۇغۇرجاپ، پەزىلىيە ياسىن)