4- ئاينىڭ 18- كۈنى، بايىنغولىن ئوبلاستىغا بىۋاسىتە قاراشلىق ئورگانلارنىڭ 2025- يىللىق «ئاۋانگارتلار لوڭقىسى» ئىشچى- خىزمەتچىلەر تەنھەرىكەت مۇسابىقىسى ئۆتكۈزۈلدى. مۇسابىقە ئارقىلىق، ھەرقايسى تارماقلار، ئورۇنلاردىكى كادىرلار، ئىشچى- خىزمەتچىلەرنىڭ جۇشقۇن، يۇقىرى ئۆرلەيدىغان، جاسارەت بىلەن نەتىجە يارىتىدىغان روھىي قىياپىتى تولۇق نامايان قىلىنىپ، ئورگان كادىرلىرى، ئىشچى- خىزمەتچىلىرىنىڭ ئۆگىنىشتە بەسلىشىپ ئېشىپ كېتىش كۈرەش ئىرادىسى يەنىمۇ ئۇرغۇتۇلۇپ، تىرىشىپ يېڭىلىق يارىتىش، بىرىنچى بولۇشقا ئىنتىلىش كەيپىياتى يارىتىلدى.

　بۇ قېتىمقى تەنھەرىكەت مۇسابىقىسىدە كوللېكتىپ ئارغامچا تارتىشىش، 10 ئادەم ئىككى مىنۇت ئارغامچا سەكرەش، باتۇرلۇق بىلەن ئالغا ئىلگىرىلەش، 4×100 مېتىرغا كۈچ ئۇلاپ يۈگۈرۈش مۇسابىقىسى، ئورۇندا تۇرۇپ يىراققا سەكرەش، بەلگىلەنگەن نۇقتىغا توپ تېپىش جېڭى قاتارلىق ئالتە تۈر تەسىس قىلىنغان، ھەممىسى كوللېكتىپ ھەمكارلىشىشنى نامايان قىلىدىغان كوللېكتىپ تۈرلەر، بۇ ھەم تەنھەرىكەتچىلەرنىڭ جىسمانىي ئىقتىدارى ۋە ماھارىتىنى سىنايدۇ، ھەم قىزىقارلىق ۋە رىقابەت كۈچىگە ئىگە بولۇپ، كادىرلار، ئىشچى- خىزمەتچىلەرنى مۇسابىقە مەيدانىدا تەر ئاققۇچە رولىنى جارى قىلدۇرۇش ئىمكانىيىتىگە ئىگە قىلىپ، ئۇلارنىڭ خىزمەت بېسىمىنى يەڭگىللىتىدۇ.

　ئەنئەنىۋى كوللېكتىپ تۈر بولغان ئارغامچا تارتىشىش مۇسابىقىسى ئالدى بىلەن پۈتۈن مەيداندىكىلەرنىڭ قىزغىنلىقىنى قوزغىدى. رېپىرنىڭ پۇشتەك چېلىشىغا ئەگىشىپ، توم ئارغامچا ئىككى كوماندا ئارىسىدا تاردەك چىڭ تارتىلدى، مەدەت بەرگۈچىلەرنىڭ مەدەت ئاۋازى ئۈزلۈكسىز كۆتۈرۈلۈپ تۇردى. شۇنىڭ بىلەن بىر ۋاقىتتا، ئارغامچا سەكرەش مۇسابىقە مەيدانى قاينام- تاشقىنلىققا چۆمدى، ئارغامچا سايىسى بىلەن رەتلىك سەكرەش كۈچ ۋە گۈزەللىك سىمفونىيەسىنى ھاسىل قىلىپ، كۈلكە ئاۋازى پۈتۈن مۇسابىقە مەيدانىنى قاپلىدى. 4×100 مېتىرغا كۈچ ئۇلاپ يۈگۈرۈش مۇسابىقىسىدە، ھەرقايسى كوماندا ئەزالىرىنىڭ تۇنجى كالتىكى خۇددى كىرىچتىن ئايرىلغان ئوقتەك باش پەللىدىن ئېلىپ چىقىلدى، ماھىرلار كالتەكنى يەتكۈزۈپ بېرىپ، كالتەكنى تاپشۇرۇپ ئېلىپ، ئاتاكىغا ئۆتتى، كوماندا ئەزالىرى باتۇرلۇق بىلەن ئېلىشىپ، بىرىنچىلىكنى تالاشتى... (مۇخبىر شۆ يۈنشاۋ)