ئانار بۇلۇت \ شىنجاڭ گېزىتى خەۋىرى (مۇخبىر رېن جياڭ، ئىختىيارىي مۇخبىر دۇگۇرجاپ) 5- ئاينىڭ 17- كۈنى، تەبىئىي ئېكولوگىيە، تارىخىي ئادىمىيەت، خەلق ئۆرپ- ئادىتى مەدەنىيىتى قاتارلىق بايلىقلار بىرلەشتۈرۈلگەن باغراش ناھىيەلىك ئېكولوگىيە مۇزېيى ئېچىلدى.

　بۇ مۇزېي دۆلەت 4A دەرىجىلىك مەنزىرە رايونى − قايدۇ دەرياسى مەنزىرە رايونىغا جايلاشقان، ئىگىلىگەن يەر كۆلىمى 23 مىڭ كىۋادرات مېتىر بولۇپ، مۇزېي كۆرگەزمە زالى، ساياھەتچىلەر مەركىزى ۋە ئاپتوموبىل توختىتىش مەيدانىنى ئۆز ئىچىگە ئالىدۇ، كۆرگەزمە رايونىنىڭ كۆلىمى 4500 كىۋادرات مېتىردىن ئارتۇق بولۇپ، جەمئىي تۆت قەۋەت كېلىدۇ. كۆپ خىللىققا ئىگە كۆرگەزمە قىلىش، پەن- تېخنىكا ئارقىلىق كۈچ قوشۇش ۋە چۆكۈش شەكلىدە ھېس قىلىشنى خاسلىق قىلغان بۇ مۇزېي باغراش ناھىيەسىدە كۆرگەزمە سارىيى ۋە مۇزېي ساھەسىدىكى بوشلۇقنى تولدۇرۇپ، شۇ جاينىڭ مەدەنىيىتىنى نامايان قىلىدىغان يېڭى كۆزنەككە ۋە مەدەنىيەت- ساياھەت يۇغۇرۇلغان يېڭى يەر بەلگىسىگە ئايلاندى. شۇنىڭ بىلەن بىللە، بۇ مۇزېي شۇ جايدىكى ئوتتۇرا، باشلانغۇچ مەكتەپ ئوقۇغۇچىلىرىنىڭ تەتقىقات- ئۆگىنىش بازىسىغا ئايلاندى.