6- ئاينىڭ 3- كۈنى، شىنجاڭ سانجى خۇيزۇ ئاپتونوم ئوبلاستى قۇتۇبى ناھىيەسىنىڭ جەنۇبىدىكى تاغلىق رايون كۆپكۆك ئاسمىنىدا بۇلۇتلار لەيلەپ تۇراتتى. تاغلار قوينىدىكى قۇتۇبى دەرياسى زۇمرەتتەك دولقۇنلاپ تۇراتتى، ئىككى قىرغاق ياپيېشىل ئوت- چۆپلەر بىلەن قاپلانغان بولۇپ، دەنشيا يەر شەكلى بىلەن گۈزەل مەنزىرە ھاسىل قىلغانىدى. يېقىنقى يىللاردىن بۇيان، قۇتۇبى ناھىيەسى دەريا يولىنى تۈزەش، قوغداش خىزمىتىنى سىجىل كۈچەيتتى: «بىر دەرياغا بىر تەدبىر» ئۇنىۋېرسال تۈزەش لايىھەسى ھەم قىرغاق لىنىيەسىدىن پايدىلىنىش يىرىك پىلان لايىھەسىنى تۈزۈپ، دەريا يولى ئەتراپىدىكى كان رايونلىرىنىڭ مۇھىت قوغداش ئەسلىھەلىرىنىڭ دەرىجىسىنى سىجىل ئۆستۈرۈپ ئۆزگەرتتى، دەريا يولىنى تۈزىدى؛ دەريا باشلىقى تۈزۈمىنىڭ رولىنى تولۇق جارى قىلدۇرۇپ، «سۈيى سۈزۈك، قىرغاقلىرى يېشىل، دەريالىرى راۋان، مەنزىرىسى گۈزەل» بولغان سۇ ئېكولوگىيە مەنزىرە لىنىيەسىنى تىرىشىپ بەرپا قىلدى. بۈگۈنكى كۈندە، پۈتۈن ناھىيەدىكى دەريا يولى بويىدىكى ئېكولوگىيە-مۇھىت يېپيېڭى تۈسكە كىرىپ، تېخىمۇ كۆپ ساياھەتچىنى كېلىپ سەيلە- ساياھەت قىلىشقا جەلپ قىلدى.