تومۇز ياز يېتىپ كەلدى، گەنسۇ ئۆلكىسى لۇڭنەن شەھىرى چېڭشيەن ناھىيەسىدىكى يېپىنچا ئۆسۈملۈكلەر بولۇق ئۆسكەن نەنشەن تېغى ئەتراپىدا، كۆك بوغۇز قۇياش قۇشى گۈللەر ئارىسىدا ئوزۇق ئىزدەپ ئارام ئېلىپ، قۇشلار شاد- خۇراملىققا چۆمگەن، ئادەم بىلەن قۇشلار ئىناق ئۆتىدىغان ئېكولوگىيەلىك گۈزەل مەنزىرىنى نامايان قىلدى.

　قۇياش قۇشى قەدىمكى رىۋايەتلەردىكى سۇمۇرغ بولۇپ، دۇنيادا جەمئىي 14 خىلى بار، جۇڭگودا ئالتە خىلى بار. بۇنىڭ ئىچىدە، كۆك بوغۇز قۇياش قۇشى ئاساسلىقى گەنسۇنىڭ جەنۇبىغا تارقالغان. كۆك بوغۇز قۇياش قۇشىنىڭ پېيى چىرايلىق بولۇپ، چېڭشيەن ناھىيەسى تەۋەسىدىكى ئەڭ گۈزەل قۇش دېيىشكە بولىدۇ. ئۇ گۈل شىرنىسى ۋە ھاشاراتلارنى ئوزۇقلۇق قىلىدۇ، گۈل چېڭى تارقىتىش ۋە زىيانداش ھاشاراتلارنى تىزگىنلەش جەھەتتىكى رولى ناھايىتى چوڭ بولۇپ، دۆلەتنىڭ «ئۈچكە ئىگە» بويىچە قوغدىلىدىغان قۇش تۈرى قاتارىغا كىرگۈزۈلگەن.

　يېقىنقى يىللاردىن بۇيان، چېڭشيەن ناھىيەسى ئەتراپىدا بۇ قۇشنىڭ بارغانسېرى كۆپىيىشىدىكى ئاساسلىق سەۋەب شۇكى، ناھىيە تەۋەسىدە ئۆسىدىغان پاۋلونىيە دەرىخى گۈلى ۋە كەڭ كۆلەمدە ئۆستۈرۈلگەن جۇڭيى دورا ماتېرىياللىرى بولغان سېرىق بۇيا چېچەكلىرى ئۇنى مول يېمەكلىك ماتېرىيالى بىلەن تەمىنلىگەن، شۇنىڭ بىلەن بىللە، چېڭشيەن ناھىيەسىنىڭ نەنشەن تېغى ئەتراپىدىكى قويۇق ئورمان، ياخشى يېپىنچا ئۆسۈملۈكلەرمۇ قۇياش قۇشىنى مۇۋاپىق ئۆسۈش مۇھىتىغا ئىگە قىلغان. (شى جيامىن فوتوسى)