6- ئاينىڭ 3- كۈنى، شىنجاڭ سانجى خۇيزۇ ئاپتونوم ئوبلاستى ماناس ناھىيەسىدىكى كېڭسىۋات مەنزىرە رايونىدا تاغلار يېشىللىققا پۈركەنگەن، سۇ زۇمرەتتەك سۈزۈك، بۇلۇتلار مەيىن شامالدا ئۈزۈپ يۈرگەن، كۆل سۈيى ئەگرى- بۈگرى تاغلار ئارىسىدا سوزۇلۇپ ياتقان بولۇپ، گۈزەل مەنزىرە كىشىنى مەستخۇش قىلاتتى.
كېڭسىۋات مەنزىرە رايونى ماناس دەرياسىنىڭ ئوتتۇرا ئېقىنىغا جايلاشقان بولۇپ، S101 لىنىيەسىنىڭ 100 چاقىرىملىق دەنشيا ساياھەت مەنزىرە بۆلىكىگە توغرا كېلىدۇ. يېقىنقى يىللاردىن بۇيان، شۇ جاي مەنزىرە رايونى ئەتراپىنىڭ ئېكولوگىيەسىنى قوغداشنى كۈچەيتىش بىلەن بىللە، مەنزىرە رايونىنىڭ ئۇل ئەسلىھە قۇرۇلۇشىنى پائال ئىلگىرى سۈرۈپ، ساياھەتچىلەرگە تېخىمۇ ياخشى ساياھەت تەسىراتى يارىتىپ بەردى ھەم ئەتراپتىكى كەنت ئاھالىلىرىنىڭ ساياھەتچىلىككە تايىنىپ كىرىمىنى ئاشۇرۇشىغا تۈرتكە بولدى.