ئانار بۇلۇت \ شىنجاڭ گېزىتى خەۋىرى (مۇخبىر يىن لۇ) 6- ئاينىڭ 14- كۈنى، 2025- يىللىق «مەدەنىيەت ۋە تەبىئىي مىراسلار كۈنى» ھەم 13- نۆۋەتلىك شىنجاڭ غەيرىي ماددىي مەدەنىيەت مىراسلىرى ھەپتىلىكىنىڭ شىنجاڭ ئاساسىي يىغىن مەيدانى پائالىيىتىدە، 2024- يىللىق مەملىكەت بويىچە مۇنەۋۋەر مەدەنىيەت يادىكارلىقلىرى باش تېمىلىق ساياھەت لىنىيە يولى تۈر تىزىملىكىگە تاللانغان «يىپەك يولىدىكى قىممەتلىك مىراسلار . مىڭ يىللىق كۈسەن» تۈرىگە ۋىۋىسكا بېرىلدى.

　كۇچا شەھىرى «يىپەك يولىدىكى قىممەتلىك مىراسلار . مىڭ يىللىق كۈسەن» مەدەنىيەت يادىكارلىقلىرى باش تېمىلىق ساياھەت لىنىيە يولى قۇرۇلۇشىنى پۈتۈن شەھەرنىڭ تەرەققىيات يىرىك پىلانىغا كىرگۈزۈپ، مەدەنىيەت- ساياھەت، مەدەنىيەت يادىكارلىقلىرى، قاتناش قاتارلىق كۆپ تارماقنىڭ بىرلىكتە ھەمتۈرتكە بولۇش مېخانىزمىنى ئورنىتىپ، مەدەنىيەت يادىكارلىقلىرىنى قوغداش ۋە مەدەنىيەت- ساياھەتنى گۈللەندۈرۈشنى بىرتۇتاش پىلانلاپ ئالغا سىلجىتتى. نىڭبو شەھىرىنىڭ شىنجاڭغا ياردەم بېرىش ئالدىنقى سەپ قوماندانلىق ئىشتابى ساياھەت لىنىيە يولىنى پىلانلاشقا ۋە تۈر قۇرۇلۇشىغا قاتنىشىپ، كۈسەن مۇزېيى، كوماراجىۋا مەدەنىيەت مەنزىرىسى قاتارلىق بەلگە خاراكتېرلىك قۇرۇلۇشلارنى قوللىدى ھەم كۈسەن مەدەنىيەت- ساياھەت داڭلىق ماركىسىنى سىرتقا كېڭەيتتى. بۇ يىل 5- ئاينىڭ 28- كۈنى، كۇچا شەھىرى نىڭبو شەھىرىنىڭ شىنجاڭغا ياردەم بېرىش ئالدىنقى سەپ قوماندانلىق ئىشتابى بىلەن بىرلىكتە 4- نۆۋەتلىك «يىپەك يولى دوستلۇق ئەلچىسى» كاتتا مۇراسىمىنى ئۆتكۈزدى ھەم «يىپەك يولىدىكى قىممەتلىك مىراسلار . مىڭ يىللىق كۈسەن» مەدەنىيەت يادىكارلىقلىرى باش تېمىلىق ساياھەت لىنىيە يولىنى يەر شارى بويىچە تۇنجى ئېلان قىلىش مۇراسىمى ئۆتكۈزدى.

　بۇ باش تېمىلىق ساياھەت لىنىيە يولى كۇچا شەھىرىنى يادرو قىلىپ، سۇبېشى بۇددا ئىبادەتخانىسى خارابىسى، قىزىل مىڭ ئۆي، قىزىلقاغا تۇرىدىن ئىبارەت ئۈچ جايدىكى دۇنيا مەدەنىيەت مىراسلىرى، توققۇز جايدىكى مەملىكەت بويىچە نۇقتىلىق مەدەنىيەت يادىكارلىقلىرىنى قوغداش ئورنى ۋە 14 جايدىكى ھەر دەرىجىلىك مەدەنىيەت يادىكارلىقلىرى نۇقتىسىنى تۇتاشتۇرۇپ، يىپەك يولىدىكى مۇھىم بازار − كۈسەندىكى ئۇزاق يىللاردىن بۇيانقى تەرەققىيات ئۆزگىرىشلەر ۋە كۆپ خىل مەدەنىيەتنىڭ يۇغۇرۇلۇشىنى سىستېمىلىق نامايان قىلىپ، «قوغداش- ۋارىسلىق قىلىش- جانلاندۇرۇش»تىن ئىبارەت پۈتۈن زەنجىرنى بەرپا قىلدى.