ئانار بۇلۇت \ شىنجاڭ گېزىتى خەۋىرى (مۇخبىر تاڭ يۇڭ فوتوسى، خەۋىرى) 6- ئاينىڭ 15- كۈنى، مۇخبىر ئاۋات ناھىيەسىنىڭ ئەشمە رايونىدا بەش يىل ئىلگىرى ھەممە يەرنى سېرىق قۇم قاپلىغان بۇ چۆللۈكنىڭ بۈگۈنكى كۈندە زۇمرەتتەك سۈزۈك سۇلار دولقۇنلاپ تۇرىدىغان، قومۇشلار يەلپۈنۈپ تۇرىدىغان ئېكولوگىيەلىك سۇلۇق يەرگە ئايلىنىپ، سۇ قۇشلىرى ئارام ئالىدىغان گۈزەل ماكانغا ئايلانغانلىقىنى كۆردى.

　ئاۋات ناھىيەسى يېڭىدىن سۇ يەتكۈزۈش تۇرۇبىسى ۋە سۇ باشلاش ئۆستىڭى ياساش ئارقىلىق، ھەر يىلى ئاقسۇ شەھىرى، ئونسۇ ناھىيەسىدىن ئىنچىكە بىر تەرەپ قىلىنغان ھاسىلىي سۇدىن 50 مىليون كۇب مېتىر كىرگۈزۈپ، مۇقىم سۇلۇق يەر شەكىللەندۈردى. نۆۋەتتە، بۇ سۇلۇق يەر سۇ مەنبەسىنى ساقلاش، بوراندىن مۇداپىئەلىنىپ قۇم تۇراقلاشتۇرۇش، ئىھاتە ئورماننى سۇغىرىش ۋە ياغاچ ماتېرىيالى ئىشلەپچىقىرىلىدىغان ئورمان قاتارلىق ئېكولوگىيەلىك ئىقتىدارىنى جارى قىلدۇردى، بۇنىڭ بىلەن، رايوندىكى جانلىقلارنىڭ كۆپ خىللىقى كۆرۈنەرلىك ئېشىپ، ئېكولوگىيە سىستېمىسى ياخشى ئايلىنىش ھالىتىگە كىردى.